Je 14:9 - Sơ̆p Hlabơar Nơ̆r 'Bok Kei-Dei

⁹ Liơ Ih nhen thoi bơngai đei tơdrong truh ưh kơ tam băt, nhen thoi bơngai nuih pran mă ưh kơ gơh dŏng pơklaih bu? Mă-lei ơ Kră Yang, Ih oei oei hơdai nhôn, đe krao nhôn kon Ih, apinh Ih 'nĕ kơ achăng lê̆ lu nhôn.

Je 14:9 ပူးပေါင်းရင်းမြစ်များ

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Horiso 10:1

Ơ Kră Yang, yua kơ kiơ Ih dơ̆ng ataih, Kơplah đei tơdrong pơmat-tat liơ Ih ôn akâu?

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 46:5

Kră Yang 'Bok Kei-Dei oei lăm pơlei noh, pơlei ei ưh kơ đei pơpơ̆. Lăp 'brưch pơgê hrôih Kră Yang 'Bok Kei-Dei tơgŭm sư boih.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Je 8:19

Ei, mơ̆ng bĕ, lu kon pơlei Inh nhơ̆m hmoi đơ̆ng char ataih, “Kră Yang ưh pă oei lăm Siôn boih hă? Pơtao ưh pă oei lăm noh boih hă?” “Liơ lu sư pơ̆n tơblĕk Inh yua rup yang man, hăm rup yang traih ưh kơ yua đơ̆ng dêh tơmoi?”

Nhom 5:20

Liơ Kră Yang hiơt kơ lu nhôn ling-lang boih hă? Liơ Ih achăng lê̆ lu nhôn đunh đang?

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Habakuk 1:2

Ơ Kră Yang inh ôr krao Ih mă Ih ưh kơ wă mơ̆ng Ih ngăn kơ inh dĭng dang yơ. Inh apinh krao Ih yua kơ tơdrong đe wă pơlôch, na Ih ưh kơ wă dŏng pơklaih.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Jo 11:23

Kră Yang khan kơ Môis thoi âu: Ti Kră Yang kơđeh hă?a Ih gô lăng hŏ tơdrong mă Inh đei khan boih hăm ih gô lăng hăm truh trŏ 'blep.

Jang 15:17

wă kơ đĭ-đăng bơngai jơ̆p kơ teh đak lui kơ Inh, wă khan đĭ-đăng lu bơngai tơmoi mă ưh kơ khŭl lu Juđê, Inh wă kơ lu sư mơ̆n.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Both 23:14

Yua kơ Kră Yang 'Bok Kei-Dei iĕm năm lăng kơđông linh iĕm wă dŏng pơklaih lu iĕm đơ̆ng lu bơngai ayăt iĕm, kơđông iĕm athei rơgoh 'lơ̆ng, wă kơ Sư huay kơ 'bôh tơdrong kơnê̆ 'mê̆-'mach, na mah weh achăng lê̆ lu iĕm.

Both 28:10

Lu kon bơngai kơpal teh gô 'bôh anăn Kră Yang păng lu sư gô hli kơ iĕm.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.