Je 14:21 - Sơ̆p Hlabơar Nơ̆r 'Bok Kei-Dei

²¹ 'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Je 14:21 ပူးပေါင်းရင်းမြစ်များ

Horiso 106:40

Kră Yang hil mĭl dêh kơ kon pơlei pơla Sư. Lăng krưp dêh kơ kon pơlei.

Horiso 106:45

'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Horiso 145:11

Lu sư gô roi tơdrong ư-ang dêh char Ih. Ră roi tơdrong mơsêh Ih.

Horiso 25:11

Yua kơ anăn Ih, Ơ Kră Yang, Mơnat ăn tơdrong yoch kơnê̆ inh, mă khan yoch noh tih dêh.

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Êsai 62:6

Ơ pơlei Jêrusalem, Inh 'măn bơih bơngai gak tơ kơpal dur ih, kơ năr kơmăng lu sư ưh kơ đei oei hreh, ơ lu iĕm bơngai mă tơ'blŏk kơ Kră Yang, 'nĕ ăn kơ Sư pơdơh.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Je 17:12

Tang-dŏ Pơtao mă đe ư-ang đei pơjing boih đơ̆ng blŭng-a, noh anih rơgoh mă lu bơ̆n kơkuh pơyom.

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 2:20

Ơ Kră Yang, apinh Ih lăng lăng! Ih tam đei pơm kơ bu thoi noh? Drŏ-kăn hăm trŏ kơ sư plei đơ̆ng lăm klak sư kơdih, wă khan lu kon hơ'lơ̆p mă oei pôk lăm ti sư hă? Bơngai khan lê̆ adrol hăm 'bok soi, hăm trŏ đe pơlôch lăm anih Kră Yang?

Êsêkiên 20:22

Mă-lei Inh dui lê̆ ti Inh, yua kơ anăn Inh, wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă inh chông tơlĕch lu sư.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Da 9:7

Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Lêwi 26:11

Inh gô pơm anih oei Inha tŏk-bŏk lu iĕm, Inh ưh kơ đei weh đơ̆ng lu iĕm ôh.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Both 32:19

Kră Yang 'bôh đĭ, na Sư hil. Na achăng hŭt lê̆ kon drŏ-nglo păng kon drŏ-kăn.

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.