Je 14:19 - Sơ̆p Hlabơar Nơ̆r 'Bok Kei-Dei

¹⁹ Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 14:19 ပူးပေါင်းရင်းမြစ်များ

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Jop 30:26

'Bơ̆t mă inh răp gô tơdrong pŭn hiôk, tơdrong pơmat-tat truh; 'Bơ̆t mă inh chang tơdrong hơdah, tơdrong măng mu truh.

Horiso 78:59

wă Kră Yang 'Bok Kei-Dei kơtơ̆ng tơdrong noh, Sư blĕk tơpă; Sư hil achăng lê̆ lu bơngai Isơrael hloi;

Horiso 89:38

Mă-lei Ih sơngah păng achăng lê̆ sư. Ih hil mĭl bơngai mă Ih đei hling đak rơmă.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Je 12:7

Inh achăng boih hnam Inh, Inh lê̆ boih kon pơlei Inh; Inh jao boih kon pơlei mă Inh 'mêm lăm ti lu bơngai ayăt kơ lu sư.

Je 12:8

Kon pơlei Inh pơm kơ Inh, thoi dăm-brang lăm bri. Sư hơrum wă pơm kơ Inh, thoi noh Inh areh achăng lê̆ lu sư.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 15:18

Yua kơ kiơ tơdrong chhŭr nuih inh oei đei ling-lang, jĭ rơka lăm jơhngơ̆m inh rai dêh ưh kơ kĕ kơ klaih? Hăm trŏ Ih pơm kơ inh thoi thong đak ro ưh kơ tơpă, thoi tu đak hrĕng kro?

Je 30:12

Kră Yang khan: “Tơdrong jĭ rơka iĕm ưh pă gơh klaih boih; rơka jĭ iĕm jrŭ dêh.

Je 30:13

Ưh kơ đei bu tơgŭm iĕm, ưh kơ đei pơgang kiơ wă kơ iĕm huay kơ jĭ, rơka jĭ iĕm ưh pă tơsir boih.

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Je 6:30

Đe krao lu sư thoi iă hu đe tŭk, yua kơ Kră Yang achăng lê̆ lu sư boih.”

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Je 8:15

Lu bơ̆n oei chang wă kơ đei hiôk-hian, mă-lei ưh kơ đei tơ'bơ̆p tơdrong hiôk. Bơ̆n chang wă kơ klaih, mă-lei tă kơ đei tơdrong hli hlơt krưp truh.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Nhom 5:22

Dah Ih kư̆m oei achăng lu nhôn ling-lang. Ih oei hil kơ lu nhôn hơnơ̆ng hă?

Mi 1:12

Kon pơlei Marôt đĭ rơmơ̆n rơmŏ chang gô tơdrong pŭn hiôk, tơdrong gleh đơ̆ng Kră Yang tơjruh boih tơ 'măng jang Jêrusalem.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.