Je 13:17 - Sơ̆p Hlabơar Nơ̆r 'Bok Kei-Dei

¹⁷ Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 13:17 ပူးပေါင်းရင်းမြစ်များ

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 15:17

Inh ưh kơ lah ngôi chơt hiôk hơdai hăm lu bơngai et sa kơnê̆ ôh, Inh kư̆m ưh kơ lah hiôk hơdai lu sư; Inh ngôi minh drô̆ inh yua kơ ti Ih dan kơpal inh, Ih kư̆m tuh kơ jơhngơ̆m inh 'bĕnh kơ tơdrong Ih hil mĭl.

Je 17:16

Inh ưh kơ sơngah păng kơdâu đơ̆ng tơdrong jang wei-lăng kon triu Ih. Inh ưh kơ wă Ih tuh ăn tơdrong pơmat, Ih băt boih dôm nơ̆r đơ̆ng 'bơ̆r inh pơma 'bơ̆t anăp Ih ngăl.

Je 22:5

Mă-lei tơdah lu iĕm kuă kơ mơ̆ng kiơ̆ nơ̆r tơtă 'nâu, Kră Yang khan: Inh pơkă hăm anăn Inh kơdih, hnam pơtao âu gô jing juơ.’ ”

Je 23:1

Kră Yang khan: “Răm-'băm tơpă kơ lu bơngai wei triu, pơrăm păng pơm kơ triu Inh tơklah tơklang đơ̆ng tơmăn 'nhĕt Inh.”

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Nhom 1:16

Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Nhom 2:18

Jơhngơ̆m kon pơlei ih ôr krao truh tơ Kră Yang, Ơ dur pơlei kon adruh Siôn, Ăn bĕ đak măt iĕm ro thoi đak glung. Iĕm 'nĕ pă pơhơi; măt iĕm lăng 'nĕ pă pơdơh.

Nhom 3:48

Đak măt inh lĕch ro thoi đak, yua kơ kon adruh inh đe pơlôch.

Êsêkiên 24:16

“Ơ kon bơngai, âu, Inh wă jê̆ iŏk lê̆ tơdrong chơt hiôk đơ̆ng măt ih; mă-lei ih 'nĕ kơ ơh sơ'ngon; 'nĕ pă nhơ̆m păng 'nĕ kơ lĕch đak măt.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Êsêkiên 36:38

nhen thoi triu 'măn wă pơm tơmam soi tơ Jêrusalem lăm năr giĕng tih. Mă lu pơlei đêl pơchah răm gô 'bĕnh kơ kon pơlei oei, lei na lu sư gô băt Inh boih Kră Yang.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

I Sam 15:35

Samuel ưh pă 'bôh Sôl dơ̆ng truh tơ năr sư lôch; yua kơ sư sơ'ngon dêh gah tơdrong jang Sôl; gah Kră Yang hmach dêh đei pơk Sôl pơm pơtao lu bơngai Isơrael.