Je 13:11 - Sơ̆p Hlabơar Nơ̆r 'Bok Kei-Dei

¹¹ Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 13:11 ပူးပေါင်းရင်းမြစ်များ

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Horiso 147:20

Sư ưh kơ đei pơm thoi noh ôh kơ adrĕch adrung nai; Lu sư ưh kơ băt hlôh ôh nơ̆r tơtă đơ̆ng Kră Yang. Halêluya!

Horiso 81:11

Mă-lei kon pơlei Inh ưh kơ mơ̆ng nơ̆r Inh. Isơrael ưh kơ wă chu yom kơ Inh.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Je 13:1

Kră Yang khan kơ inh thoi âu: “Năm răt bĕ che hơtăng tơ̆n kơiĕng ih, na tơ̆n 'bơ̆t kơiĕng ih mă-lei 'nĕ kơ tong lăm đak.”

Je 13:10

Kon pơlei kơnê̆ âu sơngah boih kuă kơ mơ̆ng nơ̆r Inh athei, arih pơm kiơ̆ kơ jơhngơ̆m arăng lu sư kơdih wă, kơkuh awih awăn kơ yang nai; na lu sư jing thoi che tơ̆n kơiĕng âu, ưh pă gơh wă yua pơm kiơ dơ̆ng.

Je 13:12

Roi ăn bĕ kơ lu sư tơdrong 'nâu: “Kră Yang, 'Bok Kei-Dei Isơrael khan: ‘Rim kơdŭng akar sik athei tuh 'bĕnh sik hơmu.’ Tơdah lu sư khan kơ ih: ‘Rŏ kơ nhôn ưh kơ băt rim kơdŭng akar sik athei 'bĕnh kơ đak sik hơmu.”

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Je 32:20

Ih đei pơm boih tơdrong hlĭch chrơp tơ lăm char Êyiptơ sơ̆ mă khơ̆ dang ei lăm lu bơngai Isơrael păng lăm lu bơngai nai, anăn Ih đei ư-ang boih thoi kư̆m đei ư-ang dang ei.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Je 6:17

Inh 'măn boih lu bơngai gak wei-lăng tăp dăr kơ iĕm păng khan; ‘Pơgling đon lu iĕm mơ̆ng bĕ keng re.’ Mă-lei lu sư khan: “Lu nhôn ưh kơ wă mơ̆ng ôh.”

Je 7:13

Kră Yang khan: Yua kơ lu iĕm đei pơm boih tôm tơdrong noh mă Inh lơ wơ̆t khan kơ lu iĕm, mă-lei lu iĕm ưh kơ wă mơ̆ng; Inh krao lu iĕm mă-lei lu iĕm kuă kơ tơl nơ̆r Inh.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Am 3:1

Ơ lu kon sâu Isơrael, mơ̆ng bĕ nơ̆r âu, 'nâu boih nơ̆r đơ̆ng Kră Yang khan wă blah lu iĕm, wă tơblah hăm đĭ-đăng lu adrĕch adrung mă inh đei chông anhăk đơ̆ng dêh Êyiptơ.

Luka 10:11

‘'Bruih pơlei iĕm mă đom tơ jơ̆ng nhôn, nhôn sơpuih đĭ boih. 'Noh wă tơbăt kơ iĕm 'Bok Kei-Dei wă phak iĕm. Nhôn wă tơbăt kơ iĕm tơdrong 'Bok Kei-Dei wă pơgơ̆r iĕm ră mă-lei iĕm pơm ưh kơ chu.’

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.

Both 4:7

Ưh kơ đei adrĕch tih ayơ mă đei yang jê̆ lu sư thoi Kră Yang 'Bok Kei-Dei oei jê̆ lu bơ̆n ling-lang na mơ̆ng rim nơ̆r krao khan thoi bơ̆n:

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.