Je 12:2 - Sơ̆p Hlabơar Nơ̆r 'Bok Kei-Dei

² Ih pơtăm lu sư, lu sư chăt rơh, wơ̆ tih păng đei plei, 'bơ̆r lu sư jê̆ Ih, mă-lei jơhngơ̆m lu sư ataih đơ̆ng Ih.

Je 12:2 ပူးပေါင်းရင်းမြစ်များ

Jop 24:12

Đơ̆ng lăm pơlei đei nơ̆r bơngai wă lôch ôr tơngưih Lu bơngai rơka ôr hơpơi krao dŏng. Mă-lei Kră Yang 'Bok Kei-Dei ưh kơ jô̆ noh tơdrong yoch lu bơngai pơm kơnê̆.

Jop 5:3

Inh 'bôh bơih lu bơngai kơtul rai chăt rơh, mă-lei pă 'biơ̆ đĕch Kră Yang gô hiap anih hnam sư oei.a

Horiso 37:35

Inh 'bôh boih lu bơngai kơnê̆ đei pran kơtang, Tih kơjung thoi 'long hơngo, chăt tơ char Liban.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Je 45:4

Ih athei khan kơ Baruk: ‘Kră Yang khan: Tơmam kiơ Inh pơjing boih Inh gô pơrăm lê̆ sư, kiơ mă Inh đei pơtăm boih Inh gô buch lê̆ sư. Inh gô pơm thoi noh tơ jơ̆p-jang lăm dêh Juđa âu.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Mathiơ 15:8

‘Lu bơngai âu ư-ang kơ Inh păng 'bơ̆r đĕch, jơhngơ̆m klơm klak sư ataih đơ̆ng Inh.

Markôs 7:6

Yêsu khan kơ lu sư: “Ơ bơngai 'bơ̆r đak klak ŭnh, Êsai chih nơ̆r 'Bok Kei-Dei khan lê̆ hơdrol sơ̆ thoi âu na 'blep kơ iĕm dang ei tơpă: ‘Lu bơngai âu ư-ang kơ Inh păng 'bơ̆r đĕch, jơhngơ̆m klơm klak sư ataih đơ̆ng Inh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.