Je 10:24 - Sơ̆p Hlabơar Nơ̆r 'Bok Kei-Dei

²⁴ Hơmet inh bĕ, ơ Kră Yang, mă-lei kiơ̆ thoi tơdrong trŏ lăp, 'Nĕ kơ phak inh kiơ̆ tơdrong Ih hil. Kơnh hli kơ Ih pơrăm inh.

Je 10:24 ပူးပေါင်းရင်းမြစ်များ

Jop 6:18

Lu bơngai mơdro hao lăk-đa weh trong nai; năm jrok lăm char glă păng lôch hiong đĭ.

Horiso 38:1

Kră Yang! 'Nĕ hil kơ inh lăm năr Ih blĕk Kŭm 'nĕ phak bơtho inh năr Ih mĭl.

Horiso 6:1

Ơ Kră Yang! 'Nĕ chrih kơ inh lăm năr Ih blĕk, 'Nĕ kơ bơtho pơjĭ inh lăm năr Ih hil!

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Êsai 28:28

Đe peh 'ba mi pơm 'bĕng, 'ba mi noh đe rŏl mă-lei đe ưh kơ preh sư hơnơ̆ng ôh, mă đơ̆ng tang-wang gre aseh dah jơ̆ng aseh juă găr sư, mă-lei găr sư ưh kơ hĕch ôh.

Êsai 40:23

Sư bơih pơm kơ lu yŏng pơgơ̆r jing tơdrong kơ đei păng lu Kră pơgơ̆r tơ kơpal teh âu jing ưh kơ đei yua.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!