Je 10:22 - Sơ̆p Hlabơar Nơ̆r 'Bok Kei-Dei

²² Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 10:22 ပူးပေါင်းရင်းမြစ်များ

Êsai 34:13

Lu 'long jơla gô chăt lăm anih pơtao, 'long jơla chăt hro 'bĕnh lăm kơđông kơjăp noh jing anih lu kŏ bri păng anih pơdơh lu sem grơ̆-ă.

Je 1:14

Kră Yang khan kơ inh: “Đơ̆ng gah yă-nơ̆m gô đei tơdrong gleh truh kơ đĭ-đăng kon pơlei lăm teh âu.”

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 2:15

Dăm-brang ôr grĕnh, hơnganh bruh tơ sư. Pơm ăn kơ teh đak sư jing juơ. Lu pơlei tih sư đe soh pơrăm ưh pă đei bơngai oei.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 4:15

To đei nơ̆r đe roi đơ̆ng tơring Đan, nơ̆r tơbăt tơdrong truh răm đơ̆ng kông Êphraim.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 49:33

“Tơring char Hasor jing anih ăn kơ kŏ bri oei ling-lang, Jing juơ tơtŭng hlŏng hloi. Ưh kơ đei bu oei tơ noh, ưh pă đei bơngai bu dơ̆ng pơm anih oei tơ noh!

Je 5:15

Kră Yang khan: “Ơ adrĕch Isơrael, Inh gô ăn đei minh adrĕch adrung đơ̆ng dêh ataih năm blah iĕm, Adrĕch adrung pran kơtang oei tơ âu đunh boih. Lu iĕm ưh kơ băt ưh kơ hlôh nơ̆r lu sư. Kŭm ưh kơ hlôh lu sư pơma kiơ.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Je 6:22

Kră Yang khan: “'Nâu, đei minh adrĕch kon pơlei đơ̆ng gah yă-nơ̆m truh, jơ̆ minh adrĕch tih pran, iung blah năm đơ̆ng tôch kơ plei teh.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Êsêkiên 12:19

Athei khan kơ kon pơlei lăm noh: 'Nâu nơ̆r đơ̆ng Kră Yang Tih Hloh khan kơ kon pơlei Jêrusalem lăm teh đak Isơrael: Lu sư gô sŏng sa lăm tơdrong hli păng nhă đak lăm tơdrong tơrơ, yua kơ đe gô blah tơgar iŏk đĭ tơmam đơ̆ng lăm char lu sư yua kơ tơdrong kơnê̆ pơrăm lu kon pơlei mă oei lăm noh đei pơm.

Malachi 1:3

Mă-lei Inh 'mêm kơ Jakôp areh kơ Êsâu, Inh pơm ăn kơ lu bri kông sư jing juơ păng jao mŭk tơmam sư ăn kơ lu kŏ bri tơ lăm char 'blach sa.”