Je 10:15 - Sơ̆p Hlabơar Nơ̆r 'Bok Kei-Dei

¹⁵ Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 10:15 ပူးပေါင်းရင်းမြစ်များ

Horiso 115:9

Ơ bơngai Isơrael, gơnang bĕ kơ Kră Yang; Sư boih Tơ'ngla dŏng tơgŭm păng khêl pĕng lu sư.

Êsai 41:24

Âu, lu iĕm ưh kơ rơ-a kiơ, tơdrong jang iĕm pơm kư̆m ưh kơ yua kiơ, bơngai mă rơih lu iĕm jơ̆ bơngai trŏ kơ areh krưp dêh tơpă.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Êsai 57:12

Inh gô tơ'bôh pơdah tơdrong 'lơ̆ng iĕm tơdrong iĕm jang. Păng tơdrong noh tă ưh kơ đei yua kơ iĕm ngăl.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 43:12

Nebukatnessar gô soh hnam kơkuh kơ lu rup yang Êyiptơ; sư gô soh pơrăm lu rup yang păng chĕp ba tơ nai. Sư iŏk pơgoh char Êyiptơ thoi lu bơngai wei triu dônh pơgoh hrŏk đơ̆ng ao lu sư, pơtao noh sư lĕch brŏk hiôk-hian.”

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 51:18

Lu rup mă ưh kơ yua, noh tơmam hiap pơtê̆ chă hơlĕnh đĕch; truh năr sek tơlang gô pơrăm.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Je 8:19

Ei, mơ̆ng bĕ, lu kon pơlei Inh nhơ̆m hmoi đơ̆ng char ataih, “Kră Yang ưh pă oei lăm Siôn boih hă? Pơtao ưh pă oei lăm noh boih hă?” “Liơ lu sư pơ̆n tơblĕk Inh yua rup yang man, hăm rup yang traih ưh kơ yua đơ̆ng dêh tơmoi?”

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.

I Sam 5:4

Pơgê đơ̆ng rŏng Asdôt iung đơ̆ng hrôih, 'bôh yang Dagôn 'bĭch kơmŭ brum tơ teh 'bơ̆t anăp Hom Pơgơ̆p Kră Yang, kơ̆l păng 'bar pah ti kơtĕch kơdih phara pha. Klơ̆m lê̆ 'bơ̆t 'măng hnam, oei pă akâu sư đĕch oei 'bơ̆t kơtă ei.