Jang 16:32 - Sơ̆p Hlabơar Nơ̆r 'Bok Kei-Dei

³² Na bre Pôl păng Silas bơtho tơdrong Kră Yang 'Bok Kei-Dei kơ sư păng đĭ-đăng hnam dơnŏ sư.

Jang 16:32 ပူးပေါင်းရင်းမြစ်များ

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Jang 16:31

Na bre Pôl khan kơ sư: “Ih lui kơ Kră Yang Yêsu Krist na ih gơh klaih, ih păng hnam dơnŏ ih kư̆m klaih lei-lăi mơ̆n.”

Jang 16:33

'Bơ̆t ei oei kơmăng ră mơ̆n, mă-lei kră wei-lăng hnam phak ei ôp 'nhao rơka jĭ bre Pôl păng Silas. Klaih kơ noh sư păng hnam dơnŏ sư iŏk 'batem hloi.

Rom 1:14

Inh oei hre kơ rim khŭl bơngai mă inh ưh tam năm chă bơtho tơdrong 'nao 'lơ̆ng Yêsu Krist, mă bơngai Grĕk, mă bơngai nai, mă bơngai kơtul, mă bơngai hơgei, inh oei tă hre kơ sư ngăl.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.