I Yo 5:19 - Sơ̆p Hlabơar Nơ̆r 'Bok Kei-Dei

¹⁹ Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

I Yo 5:19 ပူးပေါင်းရင်းမြစ်များ

Luka 4:6

Na yang Satan khan dơ̆ng kơ Yêsu thoi âu: “Ih lăng deh teh đak âu. Na inh gô ăn kơ Ih pơgơ̆r đĭ-đăng kơ teh đak âu rŏ dêh. Đe pơjao ăn kơ inh đĭ teh đak âu boih na inh kư̆m gô wă pơjao ăn kơ bơngai nai dơ̆ng, 'noh gô mơ̆ng kơ inh ăn đĕch.

Yo 12:31

Dang ei 'Bă Inh wă sek tơlang tơ ala teh âu, Sư pơpuh yang Satan mă pơgơ̆r teh âu.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Yo 16:11

Sư tơbăt ăn kơ lu sư gah tơdrong 'Bok Kei-Dei wă phak tơpă lu bơngai mă ưh kơ lui kơ Sư, kơlih kơ Sư sek tơlang boih yang Satan mă pơgơ̆r tơ ala teh âu.

Yo 17:15

Inh ưh kơ apinh Ih iŏk lu sư đơ̆ng ala teh âu ôh, Inh apinh Ih wei-lăng lu sư mă kơjăp wă kơ lu sư hlôi đơ̆ng yang kơnê̆ Satan.

Rom 8:16

Yang Bơhngol 'Lơ̆ng, Sư oei lăm bơ̆n, Sư tơbăt ăn kơ bơ̆n hlôh gah tơdrong bơ̆n jing kon 'Bok Kei-Dei tơpă.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Galati 1:4

Kră Yang bơ̆n Yêsu Krist ăn akâu Sư kơdih wă lôch tang bơ̆n pơklaih bơ̆n đơ̆ng tơdrong yoch. Sư lôch tang bơ̆n wă iŏk bơ̆n đơ̆ng lu bơngai kơnê̆ ahrei âu. Sư pơm thoi noh wă kơ trŏ thoi 'Bă tơm bơ̆n 'Bok Kei-Dei wă.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.

I Yo 3:24

Bơngai bu răk dôm tơdrong 'Bok Kei-Dei pơkă, bơngai 'noh sư pôm đon păng 'Bok Kei-Dei păng 'Bok Kei-Dei gô oei lăm sư. Păng bơ̆n băt kơ 'Bok Kei-Dei oei lăm bơ̆n yua kơ Yang Bơhngol 'Lơ̆ng đơ̆ng Sư ăn kơ bơ̆n.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.

I Yo 5:13

Inh chih kơ iĕm kơthơ âu kơ lu iĕm bơngai mă lui kơ Yêsu Kon 'Bok Kei-Dei wă kơ iĕm băt nhên iĕm gô arih ling-lang păng 'Bok Kei-Dei.

I Yo 5:15

Dah bơ̆n băt kơ Sư mơ̆ng bơ̆n apinh tơdrong kiơ kiơ, lei bơ̆n kư̆m băt kơ Sư ăn kơ bơ̆n tơdrong noh mơ̆n.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 20:3

na tơhuŏng sư tơ lăm sơlŭng jrŭ, tang 'măng khuă đơ̆ng kơpal păng pơklep tơdra 'măng 'noh hli kơ sư lĕch năm chă pơhlŭ đe jơ̆p kơ teh đak. Phak sư lăm sơlŭng jrŭ noh lăm minh-rơbâu sơnăm, klaih kơ noh achăng sư dơ̆ng, mă-lei ưh kơ đunh ôh.