I Yo 5:17 - Sơ̆p Hlabơar Nơ̆r 'Bok Kei-Dei

¹⁷ Dôm tơdrong ưh kơ trŏ kơ tơdrong juăt 'Bok Kei-Dei, tơdrong yoch ngăl. Sơmă đei 'bar khŭl yoch.

I Yo 5:17 ပူးပေါင်းရင်းမြစ်များ

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

Ya 1:15

jing pơm yoch. Tơdrong yoch bơ̆n rai tih rai lơ boih, na bơ̆n gô truh kơ tơdrong lôch.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 3:4

Bơngai bu pơm yoch, bơngai 'noh ưh kơ kiơ̆ tơdrong juăt 'Bok Kei-Dei ôh.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.