I Yo 5:14 - Sơ̆p Hlabơar Nơ̆r 'Bok Kei-Dei

¹⁴ Păng bơ̆n gơh krao khan kơ 'Bok Kei-Dei kơlih kơ bơ̆n băt kơ Sư mơ̆ng bơ̆n tơpă dah bơ̆n apinh trŏ thoi Sư wă.

I Yo 5:14 ပူးပေါင်းရင်းမြစ်များ

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Jop 34:28

Pơm kơ nơ̆r lu bơngai dơnuh hin ôr krao kơtơ̆ng truh tơ Kră Yang. Păng Kră Yang kơtơ̆ng nơ̆r bơngai pơmat-tat ôr krao.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Horiso 31:22

Lăm năr chhŭr nuih inh khan thoi âu: “Đe tơweh inh ataih boih đơ̆ng anăp Ih.” Mă-lei Ih mơ̆ng nơ̆r inh krao apinh. Kơplah inh krao Ih dŏng pơklaih.

Horiso 34:17

Lu bơngai 'lơ̆ng tơpăt Krao apinh, Kră Yang mơ̆ng hloi. Păng pơklaih lu sư đơ̆ng tơdrong pơmat-tat.

Horiso 69:33

Yua kơ Kră Yang mơ̆ng lu bơngai dơnuh hin. Ưh kơ đei areh ôh kơ lu bơngai mă đe pơm bơnă.

Tơdrông Pơđơk 10:24

Tơdrong kiơ lu bơngai kơnê̆ hli hơmơt gô đei truh kơ sư tơpă. Mă-lei lu bơngai tơpăt gô đei thoi sư hơpơi wă.

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Mathiơ 21:22

Mă tơdrong kiơ kiơ iĕm krao khan apinh 'Bok Kei-Dei, dah iĕm lui kơ Sư gô ăn tơdrong iĕm apinh noh, lei iĕm gô đei tơpă.”

Yo 11:42

Inh băt Ih mơ̆ng Inh ling-lang mơ̆n, mă-lei Inh khan thoi noh wă kơ lu bơngai mă oei tăp dăr kơ Inh kơtơ̆ng na lu sư gô lui kơ Ih wơh Inh.”

Yo 14:13

Dôm tơdrong iĕm apinh Inh, dah iĕm krao wơ̆n păng anăn Inh wă kơ Inh ăn kơ iĕm tơdrong kiơ Inh gô ăn kơ iĕm tơpă, wă kơ đe ư-ang 'Bă Inh, yua kơ đe 'bôh Inh Kon Sư ăn kơ iĕm dôm tơdrong iĕm apinh.

Yo 15:7

“Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Yo 9:31

Dah Sư bơngai yoch, 'Bok Kei-Dei ưh kơ ăn Sư pơm tơdrong mơsêh mơyang ôh, yua kơ bơ̆n băt 'Bok Kei-Dei ưh kơ wă mơ̆ng lu bơngai yoch ôh. Sư mơ̆ng dôm lu bơngai mă lui kơ Sư.

Êphêsô 3:12

Yua kơ bơ̆n lui kơ Yêsu boih, na bơ̆n băt kơ pôm đon hăm Sư, bơ̆n gơh tŏk truh tơ 'Bok Kei-Dei huay pă hli kơ Sư boih.

Hêbrơ 10:35

Thoi noh na iĕm 'nĕ kơ lê̆ tơdrong lui. Yua kơ iĕm lui kơjăp boih, iĕm gô đei tơmam 'Bok Kei-Dei asong tơ plĕnh ti.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.