I Yo 5:13 - Sơ̆p Hlabơar Nơ̆r 'Bok Kei-Dei

¹³ Inh chih kơ iĕm kơthơ âu kơ lu iĕm bơngai mă lui kơ Yêsu Kon 'Bok Kei-Dei wă kơ iĕm băt nhên iĕm gô arih ling-lang păng 'Bok Kei-Dei.

I Yo 5:13 ပူးပေါင်းရင်းမြစ်များ

Yo 1:12

Na dôm lu bơngai mă sơng iŏk Sư tơpă păng dôm lu bơngai lui kơ Sư, Sư ăn kơ lu bơngai 'noh jing kon 'Bok Kei-Dei.

Yo 2:23

Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 21:24

Dôm nơ̆r pơma âu đơ̆ng bơngai pơhrăm păng Yêsu ei, bơngai mă Sư 'mêm kơeng. Sư chih roi ăn kơ bơ̆n lăm sơ̆p hla bơar âu. Păng bơ̆n kư̆m băt dôm tơdrong sư chih pơma tơpăt ngăl.

Yo 3:18

“Bơngai bu lui kơ Kon Sư huay kơ pŭ tơdrong phak ôh. Bơngai bu ưh kơ chu lui kơ Kon Sư, 'Bok Kei-Dei sek tơlang tơdrong sư boih păng wă phak sư tơpă yua kơ sư ưh kơ wă lui kơ Kon pôm Sư.

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Galati 4:6

Bơ̆n băt boih bơ̆n jing kon Sư tơpă, yua kơ Sư wơh Yang Bơhngol 'Lơ̆ng đơ̆ng Kon Sư jur oei păng bơ̆n, Sư bơtho bơ̆n krao kơ 'Bok Kei-Dei Aba, 'Bă.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

I Yo 1:4

Nhôn chih kơ iĕm dôm tơdrong lăm kơthơ âu wă kơ đĭ-đăng kơ bơ̆n hiôk hơiă tơpă.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 2:21

Inh chih ăn kơ iĕm kơthơ âu ưh kơ sĭ khan iĕm ưh kơ băt tơdrong 'Bok Kei-Dei ôh. Inh chih ăn kơ iĕm kơthơ âu yua kơ iĕm băt tơdrong 'Bok Kei-Dei tơpă păng iĕm kư̆m băt tơdrong 'Bok Kei-Dei ưh kơ hơlĕnh ôh.

I Yo 2:25

Thoi noh bơ̆n gô arih ling-lang, kư̆m thoi Yêsu Krist pơkă sơ̆.

I Yo 2:26

Inh chih ăn kơ iĕm tơdrong âu wă bơtho ăn kơ lu iĕm gah lu bơngai mă juăt chă bơtho hơlĕnh kơ iĕm.

I Yo 3:23

Tơdrong Sư wă kơ bơ̆n răk thoi âu: Bơ̆n athei lui kơ Kon Sư Yêsu Krist păng 'mêm mơnat dih băl tơduă bơ̆n, kư̆m thoi Yêsu pơkă kơ bơ̆n sơ̆.

I Yo 4:9

'Bok Kei-Dei tơ'bôh kơ bơ̆n tơdrong Sư 'mêm mơnat kơ bơ̆n tơpă thoi âu: Sư wơh Kon pôm Sư jur tơ ala teh âu wă kơ Sư lôch tang bơ̆n, wă kơ bơ̆n arih ling-lang hăm Sư.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.

I Yo 5:11

'Bok Kei-Dei pơma gah Kon Sư thoi âu: Sư wă kơ bơ̆n arih ling-lang păng Sư. Bơ̆n gô arih ling-lang tơpă dah bơ̆n lui kơ Kon Sư.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.