I Yo 4:8 - Sơ̆p Hlabơar Nơ̆r 'Bok Kei-Dei

⁸ Bơngai bu ưh kơ 'mêm mơnat kơ 'nhŏng oh sư, bơngai 'noh ưh kơ băt kơ 'Bok Kei-Dei ôh, yua kơ 'Bok Kei-Dei Sư gah tơdrong 'mêm mơnat đĕch.

I Yo 4:8 ပူးပေါင်းရင်းမြစ်များ

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

Êphêsô 2:4

Mă-lei 'Bok Kei-Dei Sư oei 'mêm mơnat kơ bơ̆n tơpă;

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

I Yo 1:5

Âu boih tơdrong nhôn kơtơ̆ng đơ̆ng Kon Sư na nhôn roi ăn kơ iĕm: 'Bok Kei-Dei thoi hơdah măt 'năr. Măt 'năr 'noh wă pơchrang hơdah ling-lang, ưh kơ đei layơ măng mu tŏ sĕt.

I Yo 2:4

Dah bơngai bu khan: “Inh lui kơ Sư,” sơmă bơngai 'noh ưh kơ răk tơdrong Sư pơkă, bơngai 'noh hơlĕnh đĕch. Sư ưh kơ pơma tơpăt tŏ sĕt ôh.

I Yo 2:9

Tơdrong pơkă 'noh thoi âu: Bơngai bu khan sư oei lăm tơdrong hơdah, sơmă oei hil areh kơ 'nhŏng oh sư ling-lang, bơngai 'noh oei lăm măng mu khơ̆ dang ei đĕch.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 3:6

Bơngai bu pôm đon păng Yêsu Krist, bơngai 'noh ưh pă đei pơm yoch dơ̆ng ôh. Bơngai bu oei pơm yoch khŏm khŏm, bơngai 'noh sư ưh kơ lah băt kơ Yêsu.

I Yo 4:16

Bơ̆n băt kơ Sư 'mêm mơnat kơ bơ̆n tơpă. 'Bok Kei-Dei Sư gah tơdrong 'mêm mơnat đĕch, na bơngai bu 'mêm mơnat kơ đe tơpă, bơngai 'noh pôm đon păng 'Bok Kei-Dei păng 'Bok Kei-Dei oei lăm sư.

I Yo 4:7

Ơ lu 'nhŏng oh mă juăt păng inh, bơ̆n athei 'mêm mơnat dih băl yua kơ 'Bok Kei-Dei ăn kơ lu bơngai mă khŭl kon Sư athei 'mêm mơnat dih băl. Bơngai bu 'mêm mơnat kơ 'nhŏng oh sư, bơngai 'noh sư kon 'Bok Kei-Dei păng sư băt kơ 'Bok Kei-Dei tơpă.