I Yo 4:15 - Sơ̆p Hlabơar Nơ̆r 'Bok Kei-Dei

¹⁵ Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 4:15 ပူးပေါင်းရင်းမြစ်များ

Mathiơ 10:32

“Bu roi kơ đe khan sư lui kơ Inh, Inh kư̆m roi kơ 'Bă Inh tơ plĕnh ti, bơngai 'noh sư lui kơ Inh tơpă.

Luka 12:8

“Inh khan kơ iĕm tơpă, bu roi kơ đe khan sư lui kơ Inh, ning-mônh Inh Kon Bơngai kư̆m gô roi kơ lu linh jang 'lơ̆ng 'Bok Kei-Dei bơngai noh sư lui kơ Inh tơpă mơ̆n.

Yo 6:56

Bơngai bu sa sĕch akar Inh păng huch sa pham Inh, bơngai 'noh sư oei păng Inh, Inh oei lăm sư.

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”

Rom 10:9

'Noh wă khan dah 'bơ̆r bơ̆n ră roi kơ đe khan bơ̆n lui kơ Yêsu Krist Kră Yang bơ̆n, noh jơhngơ̆m đon bơ̆n lui kơ 'Bok Kei-Dei tơiung arih Yêsu đơ̆ng lôch boih, dôm noh đĕch bơ̆n klaih boih đơ̆ng tơdrong yoch.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

I Yo 2:23

Bơngai bu achăng tŭk Kon Sư, bơngai 'noh kư̆m achăng tŭk 'Bă Sư mơ̆n. Bơngai bu lui kơ Yêsu Kon 'Bok Kei-Dei, bơngai 'noh kư̆m juăt păng 'Bok Kei-Dei mơ̆n.

I Yo 2:24

Thoi noh na iĕm athei răk tơdrong 'Bok Kei-Dei lăm đon iĕm đơ̆ng iĕm kơtơ̆ng tơm hmơm sơ̆. Dah iĕm răk tơdrong 'Bok Kei-Dei lăm đon iĕm ling-lang lei 'noh iĕm pôm đon păng Kon Sư păng 'Bă Sư 'Bok Kei-Dei mơ̆n.

I Yo 3:23

Tơdrong Sư wă kơ bơ̆n răk thoi âu: Bơ̆n athei lui kơ Kon Sư Yêsu Krist păng 'mêm mơnat dih băl tơduă bơ̆n, kư̆m thoi Yêsu pơkă kơ bơ̆n sơ̆.

I Yo 3:24

Bơngai bu răk dôm tơdrong 'Bok Kei-Dei pơkă, bơngai 'noh sư pôm đon păng 'Bok Kei-Dei păng 'Bok Kei-Dei gô oei lăm sư. Păng bơ̆n băt kơ 'Bok Kei-Dei oei lăm bơ̆n yua kơ Yang Bơhngol 'Lơ̆ng đơ̆ng Sư ăn kơ bơ̆n.

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.

I Yo 4:2

Wă kơ iĕm băt bơngai ayơ đei Yang Bơhngol 'Lơ̆ng đơ̆ng 'Bok Kei-Dei tơpă iĕm athei tơdra thoi âu: Dah sư khan Yêsu Krist jur jing bơngai tơpă, lei bơngai 'noh đei Yang Bơhngol 'Lơ̆ng đơ̆ng 'Bok Kei-Dei tơpă.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:5

Dôm tơdrong ala teh âu thuơ kơ bu? Dôm tơdrong ala teh âu thuơ kơ lu bơngai mă lui kơ Yêsu Kon 'Bok Kei-Dei.

II Yo 1:7

Dang ei đei lơ bơngai năm bơtho jơ̆p-jang chă hơlĕnh kơ đe, lu sư khan Yêsu Krist ưh kơ jing kon bơngai tơpă ôh sơ̆. Bơngai bu bơtho thoi noh, bơngai 'noh sư hơlĕnh đĕch păng sư ayăt kơ Yêsu Krist mơ̆n.