I Yo 4:14 - Sơ̆p Hlabơar Nơ̆r 'Bok Kei-Dei

¹⁴ Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

I Yo 4:14 ပူးပေါင်းရင်းမြစ်များ

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 12:47

Bơngai bu mơ̆ng nơ̆r Inh bơtho, mă-lei sư ưh kơ lui, bơngai 'noh Inh ưh kơ sek tơlang sư ôh; kơlih kơ Inh jur tơ ala teh âu ưh kơ sĭ wă sek tơlang kon bơngai ôh. Inh jur tơ ala teh âu wă pơklaih kon bơngai yoch.

Yo 3:11

Inh khan kơ ih tơpăt: Nhôn bơtho iĕm tơdrong nhôn; nhôn 'bôh tơpă boih na nhôn gơh roi ăn kơ iĕm; mă-lei iĕm ưh kơ wă lui dôm tơdrong nhôn bơtho.

Yo 3:32

Sư roi kơ đe dôm tơdrong Sư 'bôh păng Sư kơtơ̆ng. Mă-lei ưh kơ đei bơngai bu wă lui kơ nơ̆r Sư bơtho.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Yo 4:42

Lu bơngai lui đơ̆ng rŏng khan kơ duch ei thoi âu: “Nhôn lui kơ Sư dang ei ưh kơ sĭ nhôn băt đơ̆ng ih ôh. Nhôn lui kơ Sư dang ei yua kơ nhôn kơtơ̆ng Sư bơtho na nhôn băt hloi kơ Sư 'Bok Dŏng Pơklaih kon bơngai tơpă.”

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

I Yo 4:10

Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.

I Yo 5:9

Thoi bơ̆n lui kơ buăl bơ̆n bơngai mă pơma tơpăt ling-lang, sư roi kơ bơ̆n na bơ̆n lui kơ sư roi, thoi noh bơ̆n athei lui kơ 'Bok Kei-Dei mă loi yua kơ Sư pơma tơpăt ngăl. Na pêng tơdrong 'noh hei đơ̆ng 'Bok Kei-Dei Sư roi tơbăt ăn kơ bơ̆n Yêsu Kon Sư tơpă.