I Yo 3:23 - Sơ̆p Hlabơar Nơ̆r 'Bok Kei-Dei

²³ Tơdrong Sư wă kơ bơ̆n răk thoi âu: Bơ̆n athei lui kơ Kon Sư Yêsu Krist păng 'mêm mơnat dih băl tơduă bơ̆n, kư̆m thoi Yêsu pơkă kơ bơ̆n sơ̆.

I Yo 3:23 ပူးပေါင်းရင်းမြစ်များ

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Mathiơ 22:39

Tơdrong juăt mă 'bar dơ̆ng kư̆m thoi noh mơ̆n: ‘Bơ̆n athei 'mêm kơ bôl buăl thoi bơ̆n 'mêm akâu kơdih.’

Markôs 9:7

Klaih kơ noh 'bôh glĭp kơ hơmơ̆l jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l ei khan: “Sư âu Kon Inh mă 'mêm kơeng tơpă. Na iĕm ling-lang athei chu yom kơ Sư.”

Yo 1:12

Na dôm lu bơngai mă sơng iŏk Sư tơpă păng dôm lu bơngai lui kơ Sư, Sư ăn kơ lu bơngai 'noh jing kon 'Bok Kei-Dei.

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Yo 15:12

Inh pơkă ăn kơ iĕm thoi âu: Iĕm athei 'mêm mơnat dih băl kư̆m thoi Inh 'mêm mơnat kơ iĕm.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 2:23

Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.

Yo 3:18

“Bơngai bu lui kơ Kon Sư huay kơ pŭ tơdrong phak ôh. Bơngai bu ưh kơ chu lui kơ Kon Sư, 'Bok Kei-Dei sek tơlang tơdrong sư boih păng wă phak sư tơpă yua kơ sư ưh kơ wă lui kơ Kon pôm Sư.

Yo 6:29

Yêsu khan kơ lu sư: “'Bok Kei-Dei wă thoi âu: Sư wă kơ iĕm lui kơ Inh âu mă đơ̆ng Sư wơh.”

Jang 16:31

Na bre Pôl khan kơ sư: “Ih lui kơ Kră Yang Yêsu Krist na ih gơh klaih, ih păng hnam dơnŏ ih kư̆m klaih lei-lăi mơ̆n.”

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

I Tes 4:9

Gah tơdrong 'mêm mơnat tơduă bôl bơngai lui nhôn huay kơ kăl chih roi kơ iĕm ôh, yua kơ 'Bok Kei-Dei bơtho iĕm boih tơdrong 'mêm mơnat dih băl 'noh.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 4:8

Mă loi bơ̆n 'nĕ hiơt kơ tơdrong 'mêm mơnat, dah bơ̆n 'mêm mơnat dih băl bơ̆n huay kơ jô̆ yo kơ tơdrong yoch bôl buăl ôh.

I Yo 2:7

Ơ 'nhŏng oh mă juăt păng inh, tơdrong inh chih pơkă kơ iĕm âu ưh kơ sĭ tơdrong 'nao ôh. Tơdrong âu tơdrong so mơ̆n mă đêl pơkă kơ iĕm sơ̆. Tơdrong pơkă so âu tơdrong đe bơtho iĕm boih păng iĕm kơtơ̆ng boih.

I Yo 3:11

Kư̆m thoi iĕm kơtơ̆ng đe bơtho iĕm đơ̆ng blŭng-a sơ̆ thoi âu: Bơ̆n athei 'mêm mơnat dih băl.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 4:21

Na Yêsu Krist bơtho pơkă kơ bơ̆n thoi âu: Bơngai bu 'mêm kơ 'Bok Kei-Dei, bơngai 'noh athei 'mêm mơnat kơ 'nhŏng oh sư mơ̆n.

I Yo 5:13

Inh chih kơ iĕm kơthơ âu kơ lu iĕm bơngai mă lui kơ Yêsu Kon 'Bok Kei-Dei wă kơ iĕm băt nhên iĕm gô arih ling-lang păng 'Bok Kei-Dei.