I Yo 3:22 - Sơ̆p Hlabơar Nơ̆r 'Bok Kei-Dei

²² Bơ̆n gĭt tơdrong kiơ, bơ̆n krao khan apinh 'Bok Kei-Dei, Sư gô asong ăn kơ bơ̆n tơpă, kơlih kơ bơ̆n răk dôm tơdrong Sư pơkă păng pơm trŏ dôm tơdrong thoi Sư wă.

I Yo 3:22 ပူးပေါင်းရင်းမြစ်များ

Jop 22:26

Kơplah 'noh, ih gô đei tơdrong hiôk rơnŭk lăm Kră Yang Tih Hloh, ih gô hiôk ngơk muh măt tơ Kră Yang 'Bok Kei-Dei.

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 34:4

Inh krao apinh boih Kră Yang, Sư tơl boih nơ̆r inh. Sư pơklaih inh đơ̆ng tơdrong hli hlơt.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 21:22

Mă tơdrong kiơ kiơ iĕm krao khan apinh 'Bok Kei-Dei, dah iĕm lui kơ Sư gô ăn tơdrong iĕm apinh noh, lei iĕm gô đei tơpă.”

Markôs 11:24

Kơlih kơ thoi noh na Inh khan kơ iĕm, mă tơdrong kiơ kiơ iĕm krao khan apinh 'Bok Kei-Dei dah iĕm lui tơpă kơ Sư gô ăn tơdrong iĕm apinh 'noh, lei iĕm gô đei tơpă.

Yo 14:13

Dôm tơdrong iĕm apinh Inh, dah iĕm krao wơ̆n păng anăn Inh wă kơ Inh ăn kơ iĕm tơdrong kiơ Inh gô ăn kơ iĕm tơpă, wă kơ đe ư-ang 'Bă Inh, yua kơ đe 'bôh Inh Kon Sư ăn kơ iĕm dôm tơdrong iĕm apinh.

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Yo 15:7

“Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Yo 6:29

Yêsu khan kơ lu sư: “'Bok Kei-Dei wă thoi âu: Sư wă kơ iĕm lui kơ Inh âu mă đơ̆ng Sư wơh.”

Yo 8:29

'Bă Inh mă wơh Inh, Sư oei hơdai păng Inh ling-lang. Sư ưh kơ achăng lê̆ kơdrô̆ Inh ôh, yua kơ Inh ling-lang pơm trŏ thoi Sư wă.”

Yo 9:31

Dah Sư bơngai yoch, 'Bok Kei-Dei ưh kơ ăn Sư pơm tơdrong mơsêh mơyang ôh, yua kơ bơ̆n băt 'Bok Kei-Dei ưh kơ wă mơ̆ng lu bơngai yoch ôh. Sư mơ̆ng dôm lu bơngai mă lui kơ Sư.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

I Yo 2:3

Dah bơ̆n răk dôm tơdrong Sư pơkă lei noh bơ̆n lui kơ Sư tơpă.

I Yo 5:14

Păng bơ̆n gơh krao khan kơ 'Bok Kei-Dei kơlih kơ bơ̆n băt kơ Sư mơ̆ng bơ̆n tơpă dah bơ̆n apinh trŏ thoi Sư wă.