I Yo 3:20 - Sơ̆p Hlabơar Nơ̆r 'Bok Kei-Dei

²⁰ Phŏ jơhngơ̆m bơ̆n sơ'ngon hli kơ 'Bok Kei-Dei ưh kơ iŏk bơ̆n jing kon Sư. Mă-lei 'Bok Kei-Dei hơgei hloh kơ bơ̆n tơpă, Sư băt tôm tơdrong. Thoi noh Sư kư̆m băt kơ bơ̆n 'mêm kơ 'nhŏng oh bơ̆n mơ̆n, na Sư băt kơ lu bơ̆n jing kon Sư tơpă boih.

I Yo 3:20 ပူးပေါင်းရင်းမြစ်များ

Jop 27:6

Inh khan tơpă inh 'lơ̆ng tơpăt, inh ưh kơ đei tơplih nơ̆r; Đĭ lăm chăl arih inh, jơhngơ̆m inh ưh kơ đei chrih kơ inh.

Jop 33:12

Inh tơl, ih pơma thoi noh glăi. Kră Yang 'Bok Kei-Dei tih hloh kơ kon bơngai.

Horiso 90:8

Ih dan boih tơdrong kơnê̆ lu nhôn 'bơ̆t anăp Ih, păng pơdah dôm tơdrong yoch hlơp lu nhôn. Lăm hơdah 'bơ̆t anăp Ih

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Yo 8:9

Lu sư kơtơ̆ng Yêsu khan kơ lu sư thoi noh, na lu sư lĕch brŏk pơtoi, đơ̆ng lu kră hơdrol truh tơ lu bơngai tơdăm đơ̆ng rŏng. Na oei pă Yêsu păng duch ei đĕch oei lăm ei.

Jang 5:33

Lu kră sek tơlang kơtơ̆ng thoi noh, sư hil mơmĭl tơpă wă pơlôch lu jơ̆ng 'bang Yêsu.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

I Kor 4:4

Inh lăng inh kơdih khan ưh kơ đei tơdrong kơnê̆ kiơ ră, mă tơpă inh ưh kơ băt tơpă ôh, pôm 'Bok Kei-Dei đĕch gơh băt sek tơdrong inh.

Tit 3:11

Ih kư̆m băt mơ̆n bơngai bu pơm thoi noh sư tŭk tơdrong 'lơ̆ng sư boih, na jing pơm tơdrong yoch. Sư bơtho ưh kơ trŏ thoi noh, sư kư̆m băt kơdih sư pơm yoch mơ̆n.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Hêbrơ 6:13

Kiơ̆ kơ tơdrong juăt kon bơngai, mưh wă pơkă băl tơdrong kiơ wă kơ kơjăp, sư pao anăn tơ'ngla Kră Yang sư kơdih wă kơ đĭ-đăng bơngai lui kơ nơ̆r sư. Kơplah 'Bok Kei-Dei pơkă kơ Abraham sơ̆, Sư wă kơ đe băt kơ Sư gô tơgŭm tơpă, na Sư ưh kơ đei pao anăn bu nai ôh yua kơ ưh kơ đei bu tih hloh kơ Sư, Sư pao anăn Sư kơdih đĕch. Sư khan kơ Abraham thoi âu: “Inh wă tơgŭm ih tơpă, Inh gô ăn kơ ih đei lu kon sâu lơ.” Abraham lui tơpă, sư chang gô truh tơ 'Bok Kei-Dei ăn kơ sư tơpă.

I Yo 3:19

Dah bơ̆n 'mêm mơnat kơ 'nhŏng oh bơ̆n hăm đĭ jơhngơ̆m đon bơ̆n, noh bơ̆n băt bơ̆n kiơ̆ tơdrong 'Bok Kei-Dei tơpă boih. Thoi noh na jơhngơ̆m bơ̆n huay pă hli kơ 'Bok Kei-Dei boih.

I Yo 3:21

Ơ 'nhŏng oh mă juăt păng inh, dah bơ̆n băt bơ̆n jing kon 'Bok Kei-Dei tơpă boih, lei bơ̆n huay pă hli kơ Sư boih hŏ.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.