I Yo 3:10 - Sơ̆p Hlabơar Nơ̆r 'Bok Kei-Dei

¹⁰ Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 3:10 ပူးပေါင်းရင်းမြစ်များ

II Sam 13:22

Apsalôm blĕk dêh kơ Amnôn ưh pă đei gơh pơma nơ̆r ayơ 'lơ̆ng dah kơnê̆ hăm Amnôn, yua kơ Amnôn pơ'brơh kơ Tamar, oh drŏ-kăn sư.

Mathiơ 13:38

Mir noh wă khan jơ̆p-jang kơ teh đak. Adrĕch 'ba 'lơ̆ng noh wă khan lu bơngai mă ăn kơ 'Bok Kei-Dei pơgơ̆r sư. 'Nhĕt noh wă khan bơngai kiơ̆ yang kơnê̆.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Yo 1:12

Na dôm lu bơngai mă sơng iŏk Sư tơpă păng dôm lu bơngai lui kơ Sư, Sư ăn kơ lu bơngai 'noh jing kon 'Bok Kei-Dei.

Yo 11:52

Mă tơpă ưh kơ sĭ Sư lôch tang lu bơngai Juđê đĕch ôh. Sư lôch tang đĭ-đăng dôm lu kon 'Bok Kei-Dei oei jơ̆p-jang ala teh âu.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Yo 8:47

Bơngai bu đơ̆ng 'Bok Kei-Dei, bơngai 'noh mơ̆ng nơ̆r 'Bok Kei-Dei. Iĕm ưh kơ mơ̆ng nơ̆r 'Bok Kei-Dei noh iĕm ưh kơ sĭ đơ̆ng 'Bok Kei-Dei ôh.”

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Êphêsô 5:1

Bơ̆n jing kon 'Bok Kei-Dei, 'Bok Kei-Dei Sư 'mêm kơ bơ̆n tơpă, na bơ̆n athei pơm rok Sư.

Kôlôsê 3:14

Kăl tơpă tơdrong 'mêm mơnat dih băl; dah bơ̆n đei tơdrong 'mêm mơnat dih băl boih, bơ̆n gô 'bôh tôm tơdrong bơ̆n pơm 'lơ̆ng.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:1

'Bă bơ̆n 'Bok Kei-Dei 'mêm mơnat kơ bơ̆n tơpă na Sư mah krao bơ̆n kon Sư. Bơ̆n jing kon Sư tơpă. Na kon bơngai ala teh âu ưh kơ băt kơ bơ̆n bơngai thoi yơ ôh kơlih kơ sư ưh kơ băt kơ 'Bă bơ̆n 'Bok Kei-Dei.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

I Yo 4:21

Na Yêsu Krist bơtho pơkă kơ bơ̆n thoi âu: Bơngai bu 'mêm kơ 'Bok Kei-Dei, bơngai 'noh athei 'mêm mơnat kơ 'nhŏng oh sư mơ̆n.

I Yo 4:6

Sơmă bơ̆n kon 'Bok Kei-Dei. Bơngai bu băt kơ 'Bok Kei-Dei, bơngai 'noh sư mơ̆ng bơ̆n. Bơngai bu ưh kơ băt kơ 'Bok Kei-Dei, bơngai 'noh ưh kơ mơ̆ng bơ̆n ôh. Thoi noh bơ̆n băt bơngai bu kiơ̆ Yang Bơhngol 'Lơ̆ng tơpă, bu wă kiơ̆ yang Satan đĕch.

I Yo 4:8

Bơngai bu ưh kơ 'mêm mơnat kơ 'nhŏng oh sư, bơngai 'noh ưh kơ băt kơ 'Bok Kei-Dei ôh, yua kơ 'Bok Kei-Dei Sư gah tơdrong 'mêm mơnat đĕch.

I Yo 5:19

Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

I Yo 5:2

Thoi noh dah bơ̆n 'mêm kơ 'Bok Kei-Dei păng răk dôm tơdrong Sư pơkă, lei bơ̆n kư̆m 'mêm kơ lu kon Sư lei-lăi mơ̆n.

III Yo 1:11

Ơ oh, ih 'nĕ kơ pơm rok lu bơngai mă pơm kơnê̆ thoi noh hŏ, ih pơm rok lu bơngai pơm 'lơ̆ng đĕch. Bơngai bu pơm 'lơ̆ng, bơngai 'noh lĕch đơ̆ng 'Bok Kei-Dei. Bơngai bu pơm kơnê̆, bơngai 'noh ưh kơ lĕch đơ̆ng 'Bok Kei-Dei ôh.