I Yo 2:26 - Sơ̆p Hlabơar Nơ̆r 'Bok Kei-Dei

²⁶ Inh chih ăn kơ iĕm tơdrong âu wă bơtho ăn kơ lu iĕm gah lu bơngai mă juăt chă bơtho hơlĕnh kơ iĕm.

I Yo 2:26 ပူးပေါင်းရင်းမြစ်များ

Tơdrông Pơđơk 12:26

Bơngai tơpăt băt chông ba lu buăl juăt sư; Trong lu bơngai kơnê̆ pơm lê̆ kơ buăl rai jrok.

Êsêkiên 13:10

Lu sư hơlĕnh pơm kơ kon pơlei Inh wơ̆l jrok hăm nơ̆r sư khan, “Hiôk-hian,” mă-lei ưh kơ đei hiôk-hian. To, kon pơlei Inh man dur ưh kơ kơjăp, âu lu sư hơlĕnh bah hăm chŭr kok.

Markôs 13:22

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ ră.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

II Yo 1:7

Dang ei đei lơ bơngai năm bơtho jơ̆p-jang chă hơlĕnh kơ đe, lu sư khan Yêsu Krist ưh kơ jing kon bơngai tơpă ôh sơ̆. Bơngai bu bơtho thoi noh, bơngai 'noh sư hơlĕnh đĕch păng sư ayăt kơ Yêsu Krist mơ̆n.