I Yo 2:24 - Sơ̆p Hlabơar Nơ̆r 'Bok Kei-Dei

²⁴ Thoi noh na iĕm athei răk tơdrong 'Bok Kei-Dei lăm đon iĕm đơ̆ng iĕm kơtơ̆ng tơm hmơm sơ̆. Dah iĕm răk tơdrong 'Bok Kei-Dei lăm đon iĕm ling-lang lei 'noh iĕm pôm đon păng Kon Sư păng 'Bă Sư 'Bok Kei-Dei mơ̆n.

I Yo 2:24 ပူးပေါင်းရင်းမြစ်များ

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Luka 9:44

“Inh wă kơ iĕm tơguăt lăm đon tơdrong âu: Đe gô rôp pơjao Inh Kon Bơngai tơ ti kon bơngai tơ ala teh âu.”

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 15:7

“Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Yo 6:56

Bơngai bu sa sĕch akar Inh păng huch sa pham Inh, bơngai 'noh sư oei păng Inh, Inh oei lăm sư.

Yo 8:25

Lu sư jet: “Ih bu?” Yêsu khan: “Inh bơngai mă roi kơ iĕm sơ̆ boih.

Philip 4:15

Ơ lu 'nhŏng oh mă oei tơ Pơlei Philip, rŏ lăng iĕm kư̆m băt boih, kơplah inh pơtơm bơtho kơ iĕm tơdrong 'nao 'lơ̆ng Yêsu sơ̆, 'bơ̆t mă inh achăng lê̆ dêh char Masêđôn iĕm, inh năm tơ nai, ưh kơ đei bơngai lui pơlei ayơ tơgŭm mơnat kơ inh tơmam, mă khan inh jang tơgŭm lu sư ră; lăp pôm pơlei iĕm đĕch băt kơ tơgŭm mơnat kơ inh tơmam.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 2:7

Ơ 'nhŏng oh mă juăt păng inh, tơdrong inh chih pơkă kơ iĕm âu ưh kơ sĭ tơdrong 'nao ôh. Tơdrong âu tơdrong so mơ̆n mă đêl pơkă kơ iĕm sơ̆. Tơdrong pơkă so âu tơdrong đe bơtho iĕm boih păng iĕm kơtơ̆ng boih.

I Yo 3:24

Bơngai bu răk dôm tơdrong 'Bok Kei-Dei pơkă, bơngai 'noh sư pôm đon păng 'Bok Kei-Dei păng 'Bok Kei-Dei gô oei lăm sư. Păng bơ̆n băt kơ 'Bok Kei-Dei oei lăm bơ̆n yua kơ Yang Bơhngol 'Lơ̆ng đơ̆ng Sư ăn kơ bơ̆n.

I Yo 4:13

Bơ̆n băt tơpă boih gah tơdrong bơ̆n pôm đon păng 'Bok Kei-Dei păng tơdrong Sư oei lăm bơ̆n kơlih kơ Sư ăn kơ bơ̆n Yang Bơhngol 'Lơ̆ng Sư.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 4:16

Bơ̆n băt kơ Sư 'mêm mơnat kơ bơ̆n tơpă. 'Bok Kei-Dei Sư gah tơdrong 'mêm mơnat đĕch, na bơngai bu 'mêm mơnat kơ đe tơpă, bơngai 'noh pôm đon păng 'Bok Kei-Dei păng 'Bok Kei-Dei oei lăm sư.

II Yo 1:2

Đĭ-đăng kơ bơ̆n 'mêm mơnat dih băl kơlih kơ bơ̆n kiơ̆ tơdrong 'Bok Kei-Dei tơpă; păng bơ̆n gô kiơ̆ tơdrong Sư khŏm khŏm.

II Yo 1:9

Bơngai bu khan sư băt hloh kơ bơ̆n mă sư ưh kơ wă kiơ̆ thoi Yêsu Krist bơtho, bơngai 'noh 'Bok Kei-Dei ưh kơ oei hơdai păng sư ôh. Dah bơngai bu oei kiơ̆ dôm tơdrong Yêsu Krist bơtho, bơngai 'noh 'Bă tơm bơ̆n 'Bok Kei-Dei păng Kon Sư Yêsu Krist oei hơdai păng sư.

III Yo 1:3

Inh hiôk chơt tơpă dang ei kơlih kơ đei 'nhŏng oh bơngai lui truh tơ inh, lu sư khan ih kiơ̆ tơdrong 'Bok Kei-Dei 'lơ̆ng tơpă. Inh băt mơ̆n ih kiơ̆ tôm tơdrong 'Bok Kei-Dei.

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.