I Yo 2:23 - Sơ̆p Hlabơar Nơ̆r 'Bok Kei-Dei

²³ Bơngai bu achăng tŭk Kon Sư, bơngai 'noh kư̆m achăng tŭk 'Bă Sư mơ̆n. Bơngai bu lui kơ Yêsu Kon 'Bok Kei-Dei, bơngai 'noh kư̆m juăt păng 'Bok Kei-Dei mơ̆n.

I Yo 2:23 ပူးပေါင်းရင်းမြစ်များ

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Yo 10:30

Nhi 'Bă Inh dang minh 'nu akâu đĕch.”

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Yo 8:19

Lu sư jet: “'Bă Ih tơ yơ?” Yêsu khan: “Yua kơ iĕm ưh kơ băt kơ Inh, na iĕm kư̆m ưh kơ băt kơ 'Bă Inh mơ̆n. Dah iĕm băt kơ Inh lei iĕm kư̆m băt kơ 'Bă Inh mơ̆n.”

I Yo 2:22

Lei bu hơlĕnh lĕ? Bơngai bu khan Yêsu ưh kơ sĭ 'Bok Krist, bơngai 'noh boih hơlĕnh păng bơngai 'noh boih ayăt kơ Yêsu Krist, bơngai 'noh boih achăng tŭk 'Bă Sư 'Bok Kei-Dei păng Kon Sư mơ̆n.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 4:2

Wă kơ iĕm băt bơngai ayơ đei Yang Bơhngol 'Lơ̆ng đơ̆ng 'Bok Kei-Dei tơpă iĕm athei tơdra thoi âu: Dah sư khan Yêsu Krist jur jing bơngai tơpă, lei bơngai 'noh đei Yang Bơhngol 'Lơ̆ng đơ̆ng 'Bok Kei-Dei tơpă.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.