I Yo 2:20 - Sơ̆p Hlabơar Nơ̆r 'Bok Kei-Dei

²⁰ Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 2:20 ပူးပေါင်းရင်းမြစ်များ

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Horiso 23:5

Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 71:22

Ơ Kră Yang 'Bok Kei-Dei! Inh gô yua tĭng-nĭng reh hơri bơnê kơ Ih. Inh gô hơri kơ tơdrong tơpăt Ih; Ơ Kră Yang 'lơ̆ng rơgoh đe Isơrael, Inh gô yua tĭng-nĭng dơ̆ng hơri bơnê kơ Ih.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Lêwi 7:35

Noh tơmam soi 'măn đơ̆ng lăm lu tơmam soi yua 'buh hăm ŭnh pơyơ̆r kơ Kră Yang jao ăn kơ Arôn păng lu kon drŏ-nglo sư lăm năr mă đe tuh đak rơmă pôk sư pơm 'bok soi 'bơ̆t anăp Kră Yang.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Luka 4:34

“Êi, Yêsu đơ̆ng Pơlei Nasaret, Ih wă pơm kiơ kơ khŭl nhôn? Inh băt mơ̆n Ih năm tơ âu wă pơrăm khŭl nhôn lah. Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 16:13

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

I Kor 2:15

Lu bơngai mă đei Yang Bơhngol 'Lơ̆ng, lu sư hlôh băt tôm tơdrong trŏ glăi; gah lu bơngai mă ưh kơ đei Yang Bơhngol 'Lơ̆ng, lu sư ưh kơ hlôh minh tơdrong trŏ glăi gah lu bơ̆n thoi yơ.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

Hêbrơ 8:11

Ning-mônh lu sư ưh pă kăl kơ pơtơm băl lui kơ Inh boih, yua kơ đĭ-đăng lu sư đơ̆ng 'lơ̆p truh tơ kră băt kơ Inh ngăl boih.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

I Yo 4:13

Bơ̆n băt tơpă boih gah tơdrong bơ̆n pôm đon păng 'Bok Kei-Dei păng tơdrong Sư oei lăm bơ̆n kơlih kơ Sư ăn kơ bơ̆n Yang Bơhngol 'Lơ̆ng Sư.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu:

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”