I Yo 2:11 - Sơ̆p Hlabơar Nơ̆r 'Bok Kei-Dei

¹¹ Na dah bơngai bu hil areh kơ 'nhŏng oh sư, bơngai 'noh sư oei lăm măng mu khŏm khŏm. Sư yak nơnăm lăm măng mu. Sư ưh kơ băt trong sư wă năm tơ yơ kơlih kơ măng mu klơ̆p măt sư.

I Yo 2:11 ပူးပေါင်းရင်းမြစ်များ

II Sam 13:22

Apsalôm blĕk dêh kơ Amnôn ưh pă đei gơh pơma nơ̆r ayơ 'lơ̆ng dah kơnê̆ hăm Amnôn, yua kơ Amnôn pơ'brơh kơ Tamar, oh drŏ-kăn sư.

Tơdrông Pơđơk 4:19

Gah trong lu bơngai pơm kơnê̆ thoi măng mu; Lu sư ưh kơ băt kiơ pơm kơ lu sư pơ̆k.

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

II Kor 3:14

Na lu bơngai Isơrael arăng kơ̆l đơ̆ng sơ̆ oei khơ̆ dang ei. Mưh lu sư đŏk lăng hla bơar tơdrong pơgơ̆p so, jơhngơ̆m đon lu sư dang lĕ kơ kơlŭk lum khăn yua kơ lu sư ưh kơ hlôh. Pôm lu bơngai mă gơnang kơ Kră Yang Yêsu đĕch gơh pơih lê̆ khăn noh wă khan lu sư hlôh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

II Pet 1:9

Mă-lei bu ưh kơ pơm kiơ̆ dôm tơdrong noh, bơngai noh sư thoi bơngai măt bơbul, ưh kơ 'bôh hơdah; păng sư thoi bơngai hiơt kơ 'Bok Kei-Dei dŏng pơklaih bơ̆n đơ̆ng tơdrong yoch.

I Yo 1:6

Lu buăl bơ̆n mơ'nah khan 'Bok Kei-Dei juăt păng bơ̆n, mă-lei bơ̆n oei lăm măng mu pơm yoch, 'noh bơ̆n hơlĕnh kơ Sư đĕch, 'bơ̆r đon, tơdrong bơ̆n pơm kư̆m hơlĕnh lei-lăi đĕch.

I Yo 2:10

Bơngai bu 'mêm kơ 'nhŏng oh sư, bơngai 'noh sư oei lăm tơdrong hơdah tơpă boih. Thoi noh bơ̆n băt kơ sư pơm 'lơ̆ng tơpă.

I Yo 2:9

Tơdrong pơkă 'noh thoi âu: Bơngai bu khan sư oei lăm tơdrong hơdah, sơmă oei hil areh kơ 'nhŏng oh sư ling-lang, bơngai 'noh oei lăm măng mu khơ̆ dang ei đĕch.

I Yo 3:15

Bơngai bu hil areh kơ 'nhŏng oh sư, 'noh dang sư wă pơlôch 'nhŏng oh sư mơ̆n. Iĕm băt mơ̆n lu bơngai chă pơlôch đe, ning-mônh sư ưh kơ đei arih ling-lang ôh.

I Yo 4:20

Bơngai bu khan sư 'mêm kơ 'Bok Kei-Dei mă-lei oei hil areh kơ 'nhŏng oh sư, bơngai 'noh hơlĕnh đĕch. Dah sư ưh kơ 'mêm kơ 'nhŏng oh sư mă oei hơdai ling-lang, thoi yơ sư gơh 'mêm kơ 'Bok Kei-Dei mă sư ưh kơ 'bôh.

Tơdrông Tơ'bôh 3:17

Păng iĕm pơang kơ đe khan iĕm mơdrŏng kơ nơ̆r 'Bok Kei-Dei boih, huay pă kăl kơ tơdrong kiơ dơ̆ng. Iĕm ưh kơ băt kơdih, iĕm bơngai pơmat-tat, bơngai răm-'băm, bơngai dơnuh hin, bơngai măt tol, ưh kơ mah hơbĕn ao hrŭk.