I Yo 2:10 - Sơ̆p Hlabơar Nơ̆r 'Bok Kei-Dei

¹⁰ Bơngai bu 'mêm kơ 'nhŏng oh sư, bơngai 'noh sư oei lăm tơdrong hơdah tơpă boih. Thoi noh bơ̆n băt kơ sư pơm 'lơ̆ng tơpă.

I Yo 2:10 ပူးပေါင်းရင်းမြစ်များ

Horiso 119:165

Bu mă 'mêm kơ khôi juăt Ih đei tơdrong hiôk-hian tih. Ưh kơ đei kiơ mă gơh pơm kơ lu sư pơ̆k huŏng.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

Yo 11:9

Na Yêsu khan thoi âu: “Huay ôh, lăm minh năr đei mơjĭt-'bar jơ dah kiơ? Na bu nơnăm yak kơ'năr sư 'noh huay kơ kơtơih ôh, kơlih kơ đei 'năr pơchrang hơdah tơ ala teh âu.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 8:31

Na Yêsu khan kơ lu bơngai Juđê mă lui kơ Sư boih: “Dah iĕm răk kiơ̆ tơdrong Inh bơtho khŏm khŏm, lei iĕm bơngai kiơ̆ Inh tơpă boih.

Rom 14:13

Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

I Yo 2:11

Na dah bơngai bu hil areh kơ 'nhŏng oh sư, bơngai 'noh sư oei lăm măng mu khŏm khŏm. Sư yak nơnăm lăm măng mu. Sư ưh kơ băt trong sư wă năm tơ yơ kơlih kơ măng mu klơ̆p măt sư.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.