I Yo 1:5 - Sơ̆p Hlabơar Nơ̆r 'Bok Kei-Dei

⁵ Âu boih tơdrong nhôn kơtơ̆ng đơ̆ng Kon Sư na nhôn roi ăn kơ iĕm: 'Bok Kei-Dei thoi hơdah măt 'năr. Măt 'năr 'noh wă pơchrang hơdah ling-lang, ưh kơ đei layơ măng mu tŏ sĕt.

I Yo 1:5 ပူးပေါင်းရင်းမြစ်များ

Horiso 139:12

Mă kơmăng kư̆m ưh kơ măng mu 'bơ̆t anăp Ih. Mă kơmăng kư̆m hơdah thoi kơ'năr, păng măng mu kư̆m thoi hơdah 'bơ̆t anăp Ih.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Êsai 2:5

Ơ adrĕch Jakôp, bĕ lu bơ̆n yak kiơ̆ lăm tơdrong hơdah Kră Yang.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Yo 1:19

Bơngai Juđê wơh lu 'bok soi păng lu bơngai Lêwi mă jang lăm hnam akŭm 'Bok Kei-Dei tơm năm đơ̆ng Pơlei Jêrusalem tơ Pơlei Bethani pah to krong Jôrđăn wă jet lăng Yôhan. Chă Yôhan 'bôh boih na jet thoi âu: “Ih bu mă tơpă?”

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 9:5

Kơplah Inh oei ala teh âu Inh dang măt 'năr pơchrang hơdah tơ teh âu wă kơ kon bơngai băt tơdrong 'Bok Kei-Dei.”

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

I Yo 3:11

Kư̆m thoi iĕm kơtơ̆ng đe bơtho iĕm đơ̆ng blŭng-a sơ̆ thoi âu: Bơ̆n athei 'mêm mơnat dih băl.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.