I Yo 1:3 - Sơ̆p Hlabơar Nơ̆r 'Bok Kei-Dei

³ Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.

I Yo 1:3 ပူးပေါင်းရင်းမြစ်များ

Jop 13:1

'Nâu măt inh 'bôh bơih dôm tơdrong 'noh, Đon inh kơtơ̆ng păng hlôh mơ̆n.

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Horiso 22:22

Inh gô ră roi anăn Ih kơ lu 'nhŏng oh inh, Păng bơnê kơ Ih lăm kon pơlei inh.

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Jo 10:32

tơdah ih năm hơdai nhôn, lu nhôn pơm ăn kơ ih đei pŭn hiôk kiơ̆ thoi Kră Yang ăn pŭn hiôk kơ nhôn.

Yo 17:11

Na dang ei Inh pă oei tơ ala teh âu dơ̆ng, pôm lu sư đĕch oei tơ teh âu. Inh wă tŏk tơ Ih boih. Ơ 'Bă, Ih 'lơ̆ng tơpăt, apinh Ih yua mơsêh mơyang Ih wei-lăng lu sư mă kơjăp kư̆m thoi Ih pơjao kơ Inh tơdrong mơsêh mơyang. Na apinh Ih wei-lăng lu sư wă kơ lu sư pôm đon, kư̆m thoi ba pôm đon dih băl.

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Yo 17:25

Ơ 'Bă Inh, Ih 'lơ̆ng tơpăt, lu bơngai ala teh âu ưh kơ băt kơ Ih, mă-lei Inh băt kơ Ih păng lu sư âu băt kơ Ih wơh Inh.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 19:35

Bơngai mă 'bôh tơdrong 'noh, sư ră roi kơ bơ̆n, sư pơma tơpăt. Sư băt sư pơma tơpăt 'lơ̆ng. Sư wă kơ lu iĕm lui mơ̆n.

Jang 13:32

Nhi năm tơ âu wă bơtho ăn kơ iĕm Tơdrong 'Nao 'Lơ̆ng. Tơdrong 'Bok Kei-Dei pơkă kơ lu kơdră bơ̆n sơ̆ khan wă ăn Kon Sư pơgơ̆r bơ̆n, dang ei Sư ăn kơ lu bơ̆n kon sâu lu sư 'bôh tơdrong noh boih. Truh boih tơdrong noh yua kơ Sư tơiung arih Yêsu đơ̆ng lôch. 'Noh thoi đe chih lăm sơ̆p hla bơar Tơdrong Hơriso, Tơdrong Hơri mă 'bar: 'Bok Kei-Dei khan: ‘Ih boih Kon Inh, đơ̆ng năr âu Inh wă ăn kơ Ih pơgơ̆r.’

Jang 13:41

'Bok Kei-Dei khan: ‘Ơ lu iĕm bơngai che bơle kơ Inh, iĕm lăng, iĕm gô sơleng kơ đon, pă tam băt kơnh iĕm lôch. Inh pơm tơdrong mơsêh mơyang lăm chăl iĕm arih, đe gô roi kơ iĕm tơdrong noh, mă-lei iĕm ưh kơ wă lui.’ ”

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

Rom 15:27

Lu bơngai mă tơgŭm jên noh lu sư lăp đon kơ tơgŭm tơpă, yua kơ lu sư dang hre kơ lu bơngai Juđê, đơ̆ng lu bơngai Juđê bơtho lu sư tơdrong 'Bok Kei-Dei sơ̆, noh na lu sư tơgŭm lu bơngai Juđê jên.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

I Kor 15:1

Ơ lu 'nhŏng oh, 'nâu inh wă tơ'blŏk ăn kơ iĕm tơdrong 'nao 'lơ̆ng mă inh đei bơtho ăn kơ lu iĕm boih, lu iĕm lui boih păng oei kơjăp lăm tơdrong lui dang ei 'noh.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Philip 3:10

Inh wă gơnang kơ Sư đĕch, Sư mơsêh mơyang tơpă, Sư iung arih đơ̆ng lôch boih. Yua kơ thoi noh na inh chu iŏk tơdrong pơmat, chu iŏk tơdrong lôch thoi Sư. Tơdrong lôch wă khan tơdrong so inh lê̆ đĭ boih, ưh pă 'bơ'blŏk dơ̆ng.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

I Tim 6:2

Đei bơngai đĭch păng yŏng, bre sư jing 'nhŏng oh yua kơ bre sư lui kơ Kră Yang boih, na bơngai đĭch ei athei lui yom kơ yŏng sư, sư jang kơ yŏng sư 'lơ̆ng hloh kơ sư tam mă lui sơ̆. 'Noh yua kơ sư đei đon 'mêm tơpă kơ yŏng sư, yua kơ yŏng sư bôl bơngai lui. Ih athei bơtho kơ đe dôm tơdrong inh ată wă kơ đe pơm kiơ̆.

Hêbrơ 2:12

Tơdrong noh kư̆m thoi Sư khan kơ 'Bă Sư sơ̆ thoi âu: “Inh gô pơư pơang anăn Ih kơ lu 'nhŏng oh Inh tơ anăp lu sư mă oei akŭm bôl lơ; păng inh hơri bơnê kơ Ih.”

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

II Pet 1:16

Nhôn roi kơ iĕm tơdrong Kră Yang Yêsu Krist Sư mơsêh mơyang đơ̆ng sơ̆ 'mơ̆i păng tơdrong Sư wă jur tơ teh ning-mônh; ưh kơ sĭ nhôn chă pơjing kơdih thoi lu bơngai 'bơ̆r đon hơgei chă pơjing, ưh ôh. Nhôn 'bôh Sư mơsêh mơyang, Sư 'lơ̆ng rŏ tơpă, na nhôn gơh roi kơ lu iĕm thoi noh.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

I Yo 1:5

Âu boih tơdrong nhôn kơtơ̆ng đơ̆ng Kon Sư na nhôn roi ăn kơ iĕm: 'Bok Kei-Dei thoi hơdah măt 'năr. Măt 'năr 'noh wă pơchrang hơdah ling-lang, ưh kơ đei layơ măng mu tŏ sĕt.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.