I Yo 1:1 - Sơ̆p Hlabơar Nơ̆r 'Bok Kei-Dei

¹ Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

I Yo 1:1 ပူးပေါင်းရင်းမြစ်များ

Êsai 41:4

Bu đei pơm bơih tơdrong âu? Bu krao iŏk jơhnơr kon bơngai đơ̆ng blŭng-a? Noh Inh bơih Kră Yang blŭng-a, mă kư̆m oei dang ei truh kơ tôch. Inh bơih Kră Yang noh.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Luka 24:39

Iĕm lăng rơka jơ̆ng ti Inh na iĕm kơnăl kơ Inh tơpă. Iĕm pel lăng akâu Inh wăi. Dah atâu ưh kơ đei akâu akar thoi Inh âu ôh.”

Yo 19:35

Bơngai mă 'bôh tơdrong 'noh, sư ră roi kơ bơ̆n, sư pơma tơpăt. Sư băt sư pơma tơpăt 'lơ̆ng. Sư wă kơ lu iĕm lui mơ̆n.

Yo 20:27

Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

I Yo 5:7

Yang Bơhngol 'Lơ̆ng kư̆m roi kơ bơ̆n thoi noh wă kơ bơ̆n băt Yêsu Kon 'Bok Kei-Dei tơpă. Yang Bơhngol 'Lơ̆ng Sư pơma ling-lang tơpăt ngăl.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

Tơdrông Tơ'bôh 19:13

Ao Sư hrŭk 'brông 'brang kơ pham ngăl. Đe anăn Sư Nơ̆r Pơma 'Bok Kei-Dei.

Tơdrông Tơ'bôh 2:8

“Dang ei ih chih kơ kră wei-lăng hnam akŭm tơ Pơlei Samina thoi âu: 'Bok tơm rơh mă ưh kơ đei layơ tôch, mă lôch iung arih dơ̆ng, Sư wă pơma kơ iĕm thoi âu: