I Tes 5:19 - Sơ̆p Hlabơar Nơ̆r 'Bok Kei-Dei

¹⁹ Na dang ei iĕm athei ăn kơ Yang Bơhngol 'Lơ̆ng pơgơ̆r iĕm kiơ̆ kơ Sư wă, iĕm 'nĕ pă pơgơ̆r akâu iĕm kơdih.

I Tes 5:19 ပူးပေါင်းရင်းမြစ်များ

Bl 6:3

Kră Yang khan thoi âu: “Yang Bơhngol Inh ưh kơ oei lăm kon bơngai ling-lang ôh; yua kơ kon bơngai jơ̆ sĕch akar đĕch, chăl arih lu sư lăp minh-hrĕng 'bar-jĭt sơnăm đĕch.”

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Hơri Hiôk 8:7

Mă đei đak lơ kư̆m ưh kơ kĕ kơ chruh jơhngơ̆m hơyuh ôh. Mă đak glung jrŭ kư̆m ưh kơ kĕ lơ̆p tơhiong lê̆ sư mơ̆n. Tơdah bơngai bu iŏk đĭ mŭk tơmam đơ̆ng hnam sư wă răt tơdrong hơyuh, đe kư̆m ưh kơ hưch kơ sư.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

I Kor 14:30

Kơplah bôl sư oei bơtho, dah 'Bok Kei-Dei tơbăt dơ̆ng kơ bôl sư nai tơdrong kiơ wă pơma, bơngai mă pơma hơdrol noh sư athei krŏt mơ̆ng kơ bôl sư pơma dơ̆ng 'mơ̆i.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Êphêsô 6:16

Athei chĕp khêl ling-lang wă tang akâu bơ̆n hli kơ 'brơ̆m ŭnh yang kơnê̆ prah 'bơm bơ̆n; 'noh wă pơtih gia kơ bơ̆n athei kơchăng hli kơ bơ̆n đei tơdrong pơhlŭ wă kơ bơ̆n oei kơjăp lăm tơdrong lui.

I Tes 5:20

'Nĕ che bơle lu bơngai pơtruh nơ̆r 'Bok Kei-Dei, lu bơngai mă khan lê̆ hơdrol.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

II Tim 1:6

Sơ̆ inh pel kơ̆l ih wă ăn kơ ih jang tơdrong 'Bok Kei-Dei. Đơ̆ng năr noh sơ̆ 'Bok Kei-Dei ăn kơ ih pran hơgei jang tơdrong Sư. Inh wă kơ ih oei 'blŏk hơdơ̆r kơ năr noh păng kư̆ gơnang kơ Sư na ih jang tơdrong Sư pran hơgei.

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?