I Sam 9:6 - Sơ̆p Hlabơar Nơ̆r 'Bok Kei-Dei

⁶ Bơngai đam ei drơ̆ng Sôl: Mơ̆ng bĕ, lăm pơlei âu đei minh 'nu bơngai Kră Yang 'Bok Kei-Dei yua, bơngai mă đe pơyom; dôm nơ̆r sư pơma adrol trŏ ngăl ưh kơ layơ glăi. Thoi noh, bĕ ba năm tơ ei, rŏ lăng sư gô tơ'bôh kơ ba trong chă aseh jrok noh tơ yơ.

I Sam 9:6 ပူးပေါင်းရင်းမြစ်များ

Bl 24:42

Năr âu kơplah inh truh tơ đak sơlŭng noh, inh đei apinh thoi âu: ‘Kră Yang 'Bok Kei-Dei yŏng tơ'ngla inh Abraham! Apinh ih lăng păng tơgŭm kơ tơdrong inh năm âu gô jing!

II Sam 15:27

Pơtao khan dơ̆ng: “Ih hăm hlôh, ih hăm 'bok soi Abiathar athei wih dơ̆ng tơ pơlei mă hiôk rơnŭk hơdai hăm 'bar 'nu kon drŏ-nglo iĕm, Ahimaas kon drŏ-nglo ih păng Jônathan kon drŏ-nglo Abiathar.

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

II Pot 5:8

Êlisê kơtơ̆ng băt pơtao đe Isơrael hek ao sư kơdih, sư wơh bơngai năm khan kơ pơtao đe Isơrael: “Yua kơ kiơ ih hek lê̆ ao ih kơdih? Ih athei Naaman năm tơ inh, wă kơ sư gô băt lăm Isơrael đei bơngai khan lê̆ adrol.”

II Pot 6:6

Êlisê bơngai 'Bok Kei-Dei yua jet: “Sung huŏng tơklă ayơ?” Bơngai ei tơhlâu ăn anih sư huŏng Êlisê koh minh hơjăl 'long, hrang tơklă pla sung huŏng noh, pơm kơ pla sung trơl đông kơpal đak

Horiso 25:12

Bơngai bu hli yom kơ Kră Yang? Sư gô bơtho pơhrăm bơngai noh lăm trong sư wă rơih.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

I Tes 5:13

Iĕm athei lui yom 'mêm mơnat kơ sư tơpă yua kơ sư jang tơdrong 'Bok Kei-Dei. Đĭ-đăng dôm iĕm athei oei hiôk hơiă dih băl.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

I Sam 2:27

Đei minh 'nu bơngai đơ̆ng Kră Yang 'Bok Kei-Dei năm tơ Hêli păng khan kơ sư, Kră Yang khan boih thoi âu, hăm trŏ kơ Inh đei tơ'bôh bơih Inh kơdih kơ hnam 'bok ih kơplah lu sư oei lăm char Êyiptơ pơm đĭch Pharaôn?

I Sam 9:8

Đam sư drơ̆ng dơ̆ng: Kơdih inh oei đei pă pêng gram jên hu, inh gô pơyơ̆r jên hu noh ăn kơ bơngai mă Kră Yang 'Bok Kei-Dei yua, na sư gô tơ'bôh ăn kơ ba trong.