I Sam 9:21 - Sơ̆p Hlabơar Nơ̆r 'Bok Kei-Dei

²¹ Sôl drơ̆ng: Inh jĭ minh 'nu adrĕch bơngai Bênjamin minh adrĕch iĕ hloh kơ đĭ-đăng lăm Isơrael; hnam dơnŏ inh jĭ hnam dơnŏ iĕ hloh lăm hnam dơnŏ adrĕch Bênjamin. Liơ ih pơma hăm inh khan thoi ei lĕ?

I Sam 9:21 ပူးပေါင်းရင်းမြစ်များ

Horiso 68:27

To Bênjamin adrĕch tŏ sĕt, mă wei pơgơ̆r lu sư. Lu yŏng pơgơ̆r bơngai Juđa, hăm khŭl lu sư. Lu yŏng pơgơ̆r Sabulôn păng lu yŏng pơgơ̆r Neptali.

Horiso 68:28

Kră Yang 'Bok Kei-Dei Sư ăn boih tơdrong pran kơtang kơ ih; Ơ Kră Yang 'Bok Kei-Dei, tơ'bôh ăn bĕ tơdrong mơsêh Ih mă tơdrong jang Ih đei pơm kơ lu nhôn.

Hôsia 13:1

Rim wơ̆t bơngai Êphraim pơma, lu đe hli tơtơ̆; đe pôk hơtŏk lu sư lăm char Isơrael. Mă-lei lu sư yoch boih yua kơ đơ̆ng kơkuh kơ yang Baal na pơm kơ lu sư lôch.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.

I Sam 14:51

Kis, 'bă Sôl păng Nêr 'bă Apner kon drŏ-nglo Abiel.

I Sam 15:17

Samuel roi khan: Ih adrĕch iĕ ưh kơ hơnhŏ pơm kơ̆l kơ adrĕch adrung bơngai Isơrael dah kiơ? Kră Yang tuh đak rơmă ăn kơ ih pơm pơtao lu bơngai Isơrael.

I Sam 18:18

Đawit tơl khan: Ơ pơtao Inh âu bu? Adrĕch adrung inh bu, krung kơtum 'bă inh noh kiơ lăm bơngai Isơrael kiơ na pơk inh pơm ŏng pơtao?

I Sam 18:23

Lu đĭch đam Sôl roi dơ̆ng dôm lu nơ̆r ei hăm Đawit. Đawit tơl khan: Pơm ŏng pơtao, iĕm tơchĕng tơdrong iĕ đĕch ah? Inh minh 'nu bơngai dơnuh hin păng răm-'băm.

I Sam 9:22

Samuel chông Sôl păng đam sư mơ̆t lăm anih să, ba bre sư oei 'bơ̆t anih anăp hloh kơ pêng-jĭt 'nu bơngai năm akŭm et sa ei.