I Sam 9:13 - Sơ̆p Hlabơar Nơ̆r 'Bok Kei-Dei

¹³ Mưh mơ̆t lăm pơlei, măr iĕm tơ'bơ̆p sư ngei adrol kơ sư năm tơ groi wă et sa. Kon pơlei ưh kơ et sa ôh adrol kơ sư truh, yua kơ sư gô sơkat ăn pŭn hiôk kơ tơmam soi; đang bơih, na đe năm akŭm ei gơh et sa. Năm bĕ măr iĕm, măr iĕm gô tơ'bơ̆p sư.

I Sam 9:13 ပူးပေါင်းရင်းမြစ်များ

II Sam 15:11

Đei 'bar-hrĕng 'nu bơngai oei tơ pơlei Jêrusalem mă Apsalôm krao pơtơm, năm hơdai hăm sư, lu sư năm hăm đon 'lơ̆ng đĕch ưh kơ băt kiơ gah tơdrong Apsalôm wă pơm kơnê̆.

Mathiơ 14:19

Yêsu athei đĭ-đăng lu bơngai tơpôl ei tơoei kơpal 'nhĕt. Klaih kơ noh Sư iŏk pơđăm tŏ 'bĕng mi păng 'bar hlak ka ei ngoi tơ plĕnh krao khan bơnê kơ 'Bă Sư 'Bok Kei-Dei, na phĕ 'bĕng mi ăn kơ lu bơngai pơhrăm păng Sư chă asong kơ bôl buăl.

Mathiơ 26:26

Kơplah lu sư sŏng sa, Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 6:41

Sư iŏk pơđăm tŏ 'bĕng mi păng 'bar hlak ka ei, ngoi tơ plĕnh krao khan bơnê kơ 'Bă Sư 'Bok Kei-Dei, na phĕ hloi 'bĕng mi ei ăn kơ lu bơngai pơhrăm păng Sư chă asong kơ lu bôl buăl. Sư kư̆m phĕ asong 'bar hlak ka ei wă kơ bôl buăl sa.

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Luka 9:16

Na Yêsu iŏk pơđăm tŏ 'bĕng mi păng 'bar tŏ ka ei, ngoi tơ plĕnh krao khan bơnê kơ 'Bă Sư 'Bok Kei-Dei. Đơ̆ng noh Sư phĕ 'bĕng mi păng ka ei ăn kơ lu bơngai pơhrăm păng Sư chă asong kơ lu bôl buăl.

Yo 6:11

Klaih kơ noh Yêsu iŏk pơđăm tŏ 'bĕng mi ei krao khan bơnê kơ 'Bok Kei-Dei hơdrol, đơ̆ng noh asong kơ lu bơngai tơpôl oei lăm ei. Ka sư kư̆m asong lei-lăi thoi noh mơ̆n. Lu đe ei iŏk sa gô mơ̆ng kơ lu sư wă sa.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

I Kor 10:30

Hơdrol kơ wă sa bơ̆n kư̆m krao khan bơnê kơ 'Bok Kei-Dei ăn kơ bơ̆n tơmam sa boih, mă-lei yua kơ kiơ bôl bơ̆n mă lui 'noh khă kuă ăn sa tơmam 'nhĕm 'nhot mă bơ̆n krao khan kơ 'Bok Kei-Dei boih 'noh?”

I Tim 4:4

Tôm tơdrong 'Bok Kei-Dei pơjing 'lơ̆ng ngăl, bơ̆n gơh sa đĭ-đăng, mă-lei bơ̆n athei krao khan bơnê kơ 'Bok Kei-Dei 'mơ̆i.

I Sam 2:35

Na inh gô rơih chă kơ Inh kơdih minh 'nu 'bok soi tơnăp tơpăt, bơngai noh gô pơm lăp kơ jơhngơ̆m Inh; Inh gô ăn kơ sư đei minh adrĕch 'lơ̆ng tơpăt wă kơ pơm 'bok soi ling-lang hloi hăm bơngai mă Inh đei hling đak pơgang 'bâu phu.

I Sam 9:14

Bre sư yak năm 'bơ̆t wă mơ̆t tơ pơlei, na tơ'bơ̆p Samuel wă lĕch năm tơ kơpal kông groi et sa.