I Sam 9:12 - Sơ̆p Hlabơar Nơ̆r 'Bok Kei-Dei

¹² Đe hơdruh ei tơl: Đei to, sư tơ anăp măr iĕm. Mă-lei iĕm yak mă tĕnh hŏ, sư 'nao mơ̆t tơ pơlei, yua kơ năr 'nâu kon pơlei pơla wă pơyơ̆r tơmam soi tơ kơpal groi.

I Sam 9:12 ပူးပေါင်းရင်းမြစ်များ

Bl 31:54

Đơ̆ng noh, lu sư pơyơ̆r tơmam soi kơpal kông păng pơtơm lu 'nhŏng oh sư sŏng sa. Thoi noh lu sư sŏng sa păng tep hloi kơpal kông noh minh măng.

I Ho 16:39

Sư lê̆ Sađok 'bok soi hăm lu 'nhŏng oh sư pơm 'bok soi 'bơ̆t anăp bơsŭn anih akŭm Kră Yang lăm anih kơjung tơ pơlei Gibeôn.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.

I Sam 16:2

Samuel tơl: Liơ inh gơh năm tơ noh? Dah Sôl băt, sư gô pơlôch inh. Kră Yang khan: Ih dui ba minh pơm rơmo akăn adruh, na khan: Inh pơyơ̆r tơmam soi 'buh ăn kơ Kră Yang.

I Sam 2:35

Na inh gô rơih chă kơ Inh kơdih minh 'nu 'bok soi tơnăp tơpăt, bơngai noh gô pơm lăp kơ jơhngơ̆m Inh; Inh gô ăn kơ sư đei minh adrĕch 'lơ̆ng tơpăt wă kơ pơm 'bok soi ling-lang hloi hăm bơngai mă Inh đei hling đak pơgang 'bâu phu.

I Sam 20:6

Tơdah 'bă ih 'bôh inh krŭl, na athei roi ăn kơ sư: Đawit apinh ih athei song sư brŏk tơ pơlei Betlehem, pơlei sư kơdih, yua kơ tơ noh đĭ hnam sư juăt kơ pơyơ̆r tơmam soi rim sơnăm.

I Sam 7:17

Na sư wih brŏk tơ pơlei Rama, anih hnam sư oei. Tơ noh sư kư̆m sek tơlang kơ kon pơlei Isơrael păng pơm chơnang soi kơkuh kơ Kră Yang.