I Sam 8:9 - Sơ̆p Hlabơar Nơ̆r 'Bok Kei-Dei

⁹ Na dang ei, ih athei mơ̆ng nơ̆r lu sư, mă-lei ih 'nĕ hiơt pơma mă trŏ mă 'lơ̆ng păng tơbăt kơ lu sư băt kơ pơtao mă wă pơgơ̆r lu sư noh gô liơ kơnh.

I Sam 8:9 ပူးပေါင်းရင်းမြစ်များ

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Êsêkiên 46:18

Yŏng pơgơ̆r ưh kơ gơh iŏk mŭk tơmam kiơ đơ̆ng kon pơlei, dah pơgŏ tơgar iŏk mŭk tơmam lu sư; sư gô iŏk tơmam sư kơdih na ăn kơ lu kon sâu wă bơ̆jang sa, thoi noh na kon pơlei Inh ưh kơ đei bu đe gơh tơgar iŏk mŭk tơmam đơ̆ng lu sư.

I Sam 10:25

Samuel bơtho tơ'bôh tơdrong juăt kơ pơtao 'bơ̆t anăp kon pơlei, chih tơ sơ̆p hla bơar dan 'bơ̆t anăp Kră Yang. Đơ̆ng noh, Samuel ăn kơ kon pơlei brŏk tơ hnam lu sư kơdih kơdih.

I Sam 12:1

Samuel khan kơ đĭ-đăng bơngai Isơrael: Inh chu kiơ̆ dôm nơ̆r lu iĕm apinh inh; inh đei pơk minh 'nu pơtao wă pơgơ̆r lu iĕm.

I Sam 14:52

Đĭ chăl arih Sôl đei tơdrong tơblah tih hơnơ̆ng hăm bơngai Philistin; dah Sôl 'bôh bơngai pran păng nuih kơtang, sư rôp iŏk bơngai 'noh kiơ̆ sư păng jang hăm sư.

I Sam 2:13

Tơdrong juăt lu 'bok soi pơm hăm kon pơlei thoi âu; tơdah đei bu wă pơyơ̆r tơmam soi, lu đĭch đam 'bok soi năm kơplah đe oei pai 'nhĕm, ti sư chĕp chơ'mŏng chơkrơ pêng tŏ hơnĕnh.

I Sam 8:8

Lu sư pơm kơ ih kư̆m thoi lu sư juăt kơ pơm kơ Inh iŏk đơ̆ng năr Inh pơklaih lu sư lĕch đơ̆ng dêh char Êyiptơ truh tơ dang ei, lu sư achăng lê̆ inh na kơkuh kơ yang nai.