I Sam 8:14 - Sơ̆p Hlabơar Nơ̆r 'Bok Kei-Dei

¹⁴ Sư gô iŏk mir chŭn, pơgar hơmu păng mir 'long ôliwơ mă 'lơ̆ng hloh đơ̆ng lu iĕm, na ăn kơ đĭch đam sư.

I Sam 8:14 ပူးပေါင်းရင်းမြစ်များ

I Pot 21:19

Ih khan kơ sư: “Kră Yang khan: Hăm trŏ kơ ih pơlôch tơ'ngla sư bơih păng tơgar iŏk mir sư?” Ih kư̆m khan kơ sư: Kră Yang khan: ‘Tơ anih mă kŏ liah bơih pham Nabôt, kŏ kư̆m gô liah pham ih.’ ”

I Pot 21:2

Ahap khan kơ Nabôt. “Apinh ih ăn kơ inh pơgar hơmu ih 'noh, inh wă pơm pơgar pơtăm hla 'nhot, yua kơ jê̆ hnam inh. Ba tơplih hăm pơgar hơmu inh 'lơ̆ng hloh kơ pơgar hơmu ih 'nâu, dah ih wă tĕch dôm yơ, inh gô ăn kơ ih jên.”

I Pot 21:7

Jêsebel akăn sư khan kơ sư: “Dang ei hăm trŏ kơ ih pơgơ̆r lu bơngai Isơrael ưh? Jah iung păng sŏng bĕ, chơt hiôk bĕ, Inh gô ăn kơ ih mir hơmu Nabôt, bơngai Jêsreel.”

Êsêkiên 46:18

Yŏng pơgơ̆r ưh kơ gơh iŏk mŭk tơmam kiơ đơ̆ng kon pơlei, dah pơgŏ tơgar iŏk mŭk tơmam lu sư; sư gô iŏk tơmam sư kơdih na ăn kơ lu kon sâu wă bơ̆jang sa, thoi noh na kon pơlei Inh ưh kơ đei bu đe gơh tơgar iŏk mŭk tơmam đơ̆ng lu sư.

I Sam 22:7

Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 8:13

Sư gô rôp kon adruh lu iĕm pơm pơgang 'bâu phu kơ sư, pai gŏ ăn kơ sư păng thơ̆ pơm 'bĕng mi kơ sư.

I Sam 8:15

Sư gô iŏk thuê̆ minh lăm mơjĭt đơ̆ng chŭn mir iĕm păng pơgar hơmu lu iĕm na asong ăn kơ lu pơm 'bok kuan păng đĭch đam sư.