I Sam 8:11 - Sơ̆p Hlabơar Nơ̆r 'Bok Kei-Dei

¹¹ na khan: 'Nâu tơdrong mă pơtao iĕm gô pơgơ̆r lu iĕm. Sư gô rôp kon drŏ-nglo iĕm pơm linh wă huơ̆r gre aseh sư, dah ăn hao aseh, mơ'nah yak jơ̆ng wă kơ năm tơblah adrol kơ gre sư.

I Sam 8:11 ပူးပေါင်းရင်းမြစ်များ

II Sam 15:1

Đơ̆ng rŏng kơ noh Apsalôm chă lê̆ gre aseh hăm pơđăm-jĭt 'nu linh kơdâu adrol kơ gre aseh.

I Pot 1:5

Adonija kon yă Hagit, pôk atŏk sư kơdih khan: “Inh gô pơm pơtao” Sư chă hơmet kơ sư gre aseh lơlap păng chă bơngai hao gre aseh đei pơđăm-jĭt 'nu kơdâu adrol kơ sư.

I Pot 10:26

Pơtao Sôlômôn akŭm pơđĭ gre aseh păng aseh, minh-rơbâu puăn-hrĕng gre aseh păng mơjĭt-'bar rơbâu aseh. Sư 'măn gre aseh lăm lu pơlei lu linh đei lu gre aseh jê̆ pơtao tơ Pơlei Jêrusalem.

I Pot 12:10

Lu bơngai tơdăm iung hơdai sư 'noh tơl sư: Khan kơ lu kon pơlei mă khan kơ ih. 'Bă ih tơ'băk ăn kơ nhôn 'long ăt trăp dêh, apinh ih ăn kơ nhôn hơiơch; ih tơl lu sư: ‘Hơnglâu dĕng inh tih hloh kơ kơiĕng 'bă inh.’

I Pot 12:4

“'Bă ih tơ'băk ăn kơ nhôn 'long ăt trăp dêh, mă-lei dang ei apinh ih ăn kơ nhôn hơiơch 'biơ̆ dôm tơdrong jang gleh trăp păng 'long ăt trăp mă 'bă ih tơ'băk ăn kơ nhôn, na nhôn gô bơ̆jang kơ ih.”

I Pot 14:27

Pơtao Rôbôam wơh bơngai pơm khêl păng kong tơplih kơ khêl 'noh, sư pơjao ăn kơ lu yŏng linh gak 'măng jang hnam pơtao.

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

I Sam 10:25

Samuel bơtho tơ'bôh tơdrong juăt kơ pơtao 'bơ̆t anăp kon pơlei, chih tơ sơ̆p hla bơar dan 'bơ̆t anăp Kră Yang. Đơ̆ng noh, Samuel ăn kơ kon pơlei brŏk tơ hnam lu sư kơdih kơdih.

I Sam 14:52

Đĭ chăl arih Sôl đei tơdrong tơblah tih hơnơ̆ng hăm bơngai Philistin; dah Sôl 'bôh bơngai pran păng nuih kơtang, sư rôp iŏk bơngai 'noh kiơ̆ sư păng jang hăm sư.

I Sam 22:7

Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 8:9

Na dang ei, ih athei mơ̆ng nơ̆r lu sư, mă-lei ih 'nĕ hiơt pơma mă trŏ mă 'lơ̆ng păng tơbăt kơ lu sư băt kơ pơtao mă wă pơgơ̆r lu sư noh gô liơ kơnh.