I Sam 6:4 - Sơ̆p Hlabơar Nơ̆r 'Bok Kei-Dei

⁴ Lu sư jet: Tơmam soi yă kiơ lu nhôn pơyơ̆r kơ Kră Yang wă kơ huai iŏk đơ̆ng tơdrong glăi? 'Bok soi păng lu bơngai pơjâu tơl khan: Pơđăm tŏ rup pơtôch pơm păng maih păng pơđăm tŏ kơne pơm păng maih, kiơ̆ kơ kơsơ̆ yŏng pơgơ̆r bơngai Philistin, yua kơ đĭ-đăng lu iĕm păng lu yŏng pơgơ̆r kư̆m đei tơdrong gleh truh lei-lăi ngăl.

I Sam 6:4 ပူးပေါင်းရင်းမြစ်များ

Le 12:35

Lu kon pơlei Isơrael pơm kiơ̆ lei-lăi thoi nơ̆r Môis tơtă. Lu sư apinh dôm tơmam gĭt, hu dah maih truh kơ ao tai đơ̆ng lu bơngai Êyiptơ.

Jôsuê 13:3

Đơ̆ng đak Krong Sihôr gah hơlĕch kơ char Êyiptơ, truh tơ teh đak Ekrôn gah yă-nơ̆m, noh krao char bơngai Kanaan; đei pơđăm 'nu pơtao char Philistin pơgơ̆r tơ Gasa, Asdôt, Askalon, Gat păng Ekrôn păng pơtao kon pơlei Awim;

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 3:3

Đei pơđăm 'nu pơm yŏng pơgơ̆r kon pơlei Philistin, đĭ-đăng lu kon pơlei Kanaan kon pơlei Siđôn păng kon pơlei Hêwit oei tơ lăm lu kông Liban, đơ̆ng kông Baal Hermôn truh tơ pơlei Lêbơ Hamat.

I Sam 5:12

Lu bơngai mă tam mă lôch kư̆m đei jĭ pơtôch đơ̆ng lăm pơlei đei nơ̆r ôr krao truh tơ plĕnh ti,

I Sam 5:6

Ti Kră Yang tuh ăn tơdrong pơmat-tat tih kơ kon pơlei Asdôt, ba tơdrong hli krưp, pơm ăn răm truh tơ lăm lu sư păng lu pơlei oei jê̆ kiơ̆ ei đei, tơdrong jĭ tôch hơbuh.

I Sam 5:9

Mă-lei đơ̆ng rŏng kơ đe tung Hom Pơgơ̆p Kră Yang 'Bok Kei-Dei truh tơ pơlei Gat boih Kră Yang phak pơlei ei, ăn đei tơdrong truh kơ lu sư hli rŭng răng. Lăm kon pơlei noh, đơ̆ng hơ'lơ̆p truh tơ đe kră; đĭ lu sư tă kơ đei jĭ pơtôch ngăl.

I Sam 6:5

Pơm bĕ lu rup pơtôch păng lu rup kơne mă oei pơrăm phe 'ba, na lu iĕm pơyơ̆r ư-ang kơ Kră Yang 'Bok Kei-Dei đe Isơrael; Rŏ lăng sư huay pă ăn tơdrong truh phak lu iĕm, lu yang iĕm păng mir 'ba dêh char iĕm.

I Sam 6:8

Na iĕm tung tah Hom Pơgơ̆p 'Bok Kei-dei tơ lăm gre noh. Tơ gah cheng Hom Pơgơ̆p lu iĕm tah lăm hôp tơmam pơyơ̆r hăm maih mă lu iĕm wă pơyơ̆r pơm tơmam soi huai đơ̆ng yoch glăi. Na tah rơmo achăng lê̆ năm kơdih.