I Sam 6:17 - Sơ̆p Hlabơar Nơ̆r 'Bok Kei-Dei

¹⁷ 'Nâu pơđăm tŏ rup pơtôch pơm hăm maih bơngai Philistin pơyơ̆r ăn kơ Kră Yang pơm tơmam soi huai yoch dơ̆ng glăi. Minh pơm kơ pơlei Asdôt, minh pơm kơ pơlei Gasa, minh pơm kơ pơlei Askalon, minh pơm kơ pơlei Gat, minh pơm kơ pơlei Ekrôn.

I Sam 6:17 ပူးပေါင်းရင်းမြစ်များ

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

II Sam 21:22

Puăn 'nu mă roi tơ kơpal âu, tă kơ gah adrĕch adrung bơngai Rapha, pơlei Gat. Lu sư tă kơ lôch kơ ti pơtao Đawit păng khŭl linh sư.

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Ho 26:6

Sư iung tơblah hăm lu bơngai Philistin, blah tơlơ̆ dur pơlei Gat, blah pơchah dur Japnê păng dur Asdôt: Sư man pơdơ̆ng ming lơ pơlei lăm tơring Asdôt păng tơ anih nai lăm teh đak Philistin.

Je 25:20

Păng đĭ-đăng kơ lu tơmoi lăm char noh lu pơtao char Us, ăn kơ lu pơtao char Philistin, lăm noh đei pơlei Askalon, pơlei Gasa, Ekrôn păng lu bơngai mă oei arih lăm pơlei Asdôt.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Am 1:6

Kră Yang khan: Yua kơ đơ̆ng kon pơlei Gasa rai pơm yoch pơm yoch kơnê̆ hloh kơ adrol, na Inh ưh kơ lê̆ ôh wă phak lu sư; yua kơ lu sư rôp ba đĭ-đăng kon pơlei năm pơm bơnă păng jao lu sư kơ bơngai Eđôm,

Am 6:2

Năm bĕ tơ pơlei Kalneh păng lăng, yak năm bĕ đơ̆ng noh truh tơ pơlei tih Hamat, jur hloi tơ pơlei Gat lu bơngai Philistin. Lu pơlei noh 'lơ̆ng hloh kơ dêh âu hă? Hăm trŏ kơ dêh noh să hloh kơ dêh iĕm?

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.

Lu 1:18

Bơngai Juđa kư̆m blah iŏk pơlei Gasa hăm anih teh mă sư pơgơ̆r pơlei Askalon hăm anih teh mă sư pơgơ̆r păng pơlei Ekrôn hăm anih teh mă sư pơgơ̆r.

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 16:1

Samsơn năm tơ pơlei Gasa, 'bôh minh 'nu adruh đi tơ noh. Sư mơ̆t tep hloi lăm hnam adruh ei.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

I Sam 5:1

Đơ̆ng rŏng kơ kon pơlei Philistin blah iŏk Hom Pơgơ̆p Kră Yang 'Bok Kei-Dei, đơ̆ng Êbênêser tơ pơlei Asdôt.

I Sam 5:10

Na, lu sư wơh đe tung ba Hom Pơgơ̆p Kră Yang 'Bok Kei-Dei tơ pơlei Ekrôn, wă Hom Pơgơ̆p noh truh tơ pơlei Ekrôn kon pơlei Ekrôn ôr krao: Đe tung ba Hom Pơgơ̆p Kră Yang 'Bok Kei-Dei đe Isơrael truh tơ bơ̆n wă pơlôch bơ̆n păng kon pơlei pơla lu bơ̆n!

I Sam 5:8

Lu sư wơh krao akŭm đĭ lu yŏng pơgơ̆r đe Philistin, na jet: Bơ̆n wă pơm liơ hăm Hom Pơgơ̆p Kră Yang 'Bok Kei-Dei đe Isơrael âu? Lu yŏng pơgơ̆r tơl khan: Athei tung Hom Pơgơ̆p Kră Yang 'Bok Kei-Dei đe Isơrael năm ba tơ pơlei Gat. Na đe năm tung ba Hom Pơgơ̆p Kră Yang. 'Bok Kei-Dei đe Isơrael truh tơ noh.

I Sam 6:4

Lu sư jet: Tơmam soi yă kiơ lu nhôn pơyơ̆r kơ Kră Yang wă kơ huai iŏk đơ̆ng tơdrong glăi? 'Bok soi păng lu bơngai pơjâu tơl khan: Pơđăm tŏ rup pơtôch pơm păng maih păng pơđăm tŏ kơne pơm păng maih, kiơ̆ kơ kơsơ̆ yŏng pơgơ̆r bơngai Philistin, yua kơ đĭ-đăng lu iĕm păng lu yŏng pơgơ̆r kư̆m đei tơdrong gleh truh lei-lăi ngăl.