I Sam 6:12 - Sơ̆p Hlabơar Nơ̆r 'Bok Kei-Dei

¹² 'Bar tŏ rơmo hor gre yak tơpăt tơ rok trong pơlei Bêt Sêmes, ưh kơ weh tơ 'ma dah tơ 'ngiĕo. Lu kră pơgơ̆r bơngai Philistin kiơ̆ lăng đơ̆ng rŏng truh tơ hơdral pơlei Bet Semes.

I Sam 6:12 ပူးပေါင်းရင်းမြစ်များ

I Pot 4:9

Ben Đêker wei-lăng pơlei Makas, pơlei Saalbim, pơlei Bêt Sêmes păng pơlei Êlôn Bet Hanan.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Jo 20:19

Kon pơlei Isơrael tơl khan: Lu nhôn gô yak rok trong tih; tơdah lu nhôn dah lu sem dơrong nhôn chă nhă đak iĕm, lu nhôn ăn jên. Apinh ăn kơ lu nhôn hơya yak jơ̆ng hoh rok noh, ưh kơ đei kiơ.

Jôsuê 15:10

Hơdral đơ̆ng Baala dăr tơ gah bơmơ̆t truh tơ Kông Sêir, 'moi rok gah yă-nơ̆m kơ Kông Jêarim, noh Kêsalôn; pơtrơp jur rok tơpăt truh tơ Bêt Sêmes hlôi kơ Thimna.

I Sam 6:11

Lu sư tah Hom Pơgơ̆p lăm gre, hăm tah hôp rup pơtôch đek pơm păng maih păng kơne kư̆m pơm păng maih.

I Sam 6:13

Kon pơlei, pơlei Bêt Sêmes oei kĕch 'ba bơyan lăm thŭng, wă lu sư ngơk lăng 'bôh Hom Pơgơ̆p, lu sư chhôk 'nă tơpă.

I Sam 6:9

Na lu iĕm lăng hnhoi sư năm; tơdah lu sư năm tơ gah hơdral char sư tơ pơlei Bêt Sêmes, lei 'nâu Kră Yang 'Bok kei-Dei Isơrael boih phak pơrăm bơ̆n; mă-lei tơdah rơmo yak năm trong nai lei ưh kơ trŏ Kră Yang 'bok Kei-Dei phak lu bơ̆n. Tơdrong phak truh noh băt truh kơdih đĕch.