I Sam 5:9 - Sơ̆p Hlabơar Nơ̆r 'Bok Kei-Dei

⁹ Mă-lei đơ̆ng rŏng kơ đe tung Hom Pơgơ̆p Kră Yang 'Bok Kei-Dei truh tơ pơlei Gat boih Kră Yang phak pơlei ei, ăn đei tơdrong truh kơ lu sư hli rŭng răng. Lăm kon pơlei noh, đơ̆ng hơ'lơ̆p truh tơ đe kră; đĭ lu sư tă kơ đei jĭ pơtôch ngăl.

I Sam 5:9 ပူးပေါင်းရင်းမြစ်များ

Horiso 78:66

Sư blah drŭt lu ayăt kơdŭn tơ rŏng, ăn kơ lu ayăt mơlâu ling-lang hloi.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.

Both 2:15

Tơpă, yua kơ đơ̆ng ti Kră Yang hil pơrăm lu sư đơ̆ng lăm kơđông dĭng mah răm đĭ.

I Sam 12:15

Mă-lei tơdah lu iĕm ưh kơ chu kiơ̆ dôm nơ̆r Kră Yang, ưh kơ chu nơ̆r sư tơtă athei, na ti Kră Yang gô ăn kơ tơdrong răm rai kơ lu iĕm kư̆m thoi sư ăn kơ yă 'bok iĕm sơ̆.

I Sam 5:10

Na, lu sư wơh đe tung ba Hom Pơgơ̆p Kră Yang 'Bok Kei-Dei tơ pơlei Ekrôn, wă Hom Pơgơ̆p noh truh tơ pơlei Ekrôn kon pơlei Ekrôn ôr krao: Đe tung ba Hom Pơgơ̆p Kră Yang 'Bok Kei-Dei đe Isơrael truh tơ bơ̆n wă pơlôch bơ̆n păng kon pơlei pơla lu bơ̆n!

I Sam 5:11

Lu sư wơh krao akŭm lu yŏng pơgơ̆r đe Philistin, na khan: Athei tung ba Hom Pơgơ̆p Kră Yang 'Bok Kei-Dei đe Isơrael, wih ba sư tơ anih sư so lê̆ tơ âu kơnh hli kơ nhôn păng kon pơlei nhôn lôch. Yua kơ kon pơlei krưp; tơ noh Kră Yang kư̆m ăn tơdrong gleh phak tih dêh.

I Sam 5:6

Ti Kră Yang tuh ăn tơdrong pơmat-tat tih kơ kon pơlei Asdôt, ba tơdrong hli krưp, pơm ăn răm truh tơ lăm lu sư păng lu pơlei oei jê̆ kiơ̆ ei đei, tơdrong jĭ tôch hơbuh.

I Sam 6:11

Lu sư tah Hom Pơgơ̆p lăm gre, hăm tah hôp rup pơtôch đek pơm păng maih păng kơne kư̆m pơm păng maih.

I Sam 7:13

Philistin thuơ bơih, ưh pă pơ̆n tơgar iŏk teh đơ̆ng bơngai Isơrael dơ̆ng. Đĭ chăl arih Samuel, ti Kră Yang găn ưh kơ ăn bơngai Philistin tơgar iŏk dơ̆ng.