I Sam 5:6 - Sơ̆p Hlabơar Nơ̆r 'Bok Kei-Dei

⁶ Ti Kră Yang tuh ăn tơdrong pơmat-tat tih kơ kon pơlei Asdôt, ba tơdrong hli krưp, pơm ăn răm truh tơ lăm lu sư păng lu pơlei oei jê̆ kiơ̆ ei đei, tơdrong jĭ tôch hơbuh.

I Sam 5:6 ပူးပေါင်းရင်းမြစ်များ

Bl 41:31

Păng tơdrong pơngot rơwĕt âu tih dêh, na kon tơring tơrang pă 'blŏk boih lăm sơnăm đei 'ba rơkah rơkai.

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 147:6

Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Horiso 32:4

Kơmăng kơ'năr ti Kră Yang kơtĭt inh trăp dêh.a Tơdrong pran kơtang inh hrĕng krob thoi tŏ bơyan phang,

Horiso 78:66

Sư blah drŭt lu ayăt kơdŭn tơ rŏng, ăn kơ lu ayăt mơlâu ling-lang hloi.

Le 9:3

Lei ti mơsêh Kră Yang gô pơm kơ lu sem dơrong ih oei tơ tơmăn glă, pơm kơ aseh, aseh iĕ, lăk-đa, rơmo, bơbe păng triu: Gô lôch kơ toi.

Jang 13:11

Na dang ei 'Bok Kei-Dei gô phak e. E gô tol măt minh yuh, ưh kơ 'bôh hơdah.” Na bơngai pơjâu ei tol măt hloi. Sư hơwơi chă hơbơ̆ đe wă kơ đe tơgŭm dui ba sư.

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.

I Sam 5:11

Lu sư wơh krao akŭm lu yŏng pơgơ̆r đe Philistin, na khan: Athei tung ba Hom Pơgơ̆p Kră Yang 'Bok Kei-Dei đe Isơrael, wih ba sư tơ anih sư so lê̆ tơ âu kơnh hli kơ nhôn păng kon pơlei nhôn lôch. Yua kơ kon pơlei krưp; tơ noh Kră Yang kư̆m ăn tơdrong gleh phak tih dêh.

I Sam 5:7

Wă kon pơlei Asdôt 'bôh lu sư đei tơdrong truh, lu sư pơma tơduă lu sư khan: Ưh pă gơh lê̆ Hom Pơgơ̆p Kră Yang 'Bok Kei-Dei Isơrael tơ âu hăm lu bơ̆n dơ̆ng, yua kơ ti Kră Yang ăn tơdrong gleh phak truh tih tơ lu bơ̆n păng tơ yang Dagôn, lu bơ̆n.

I Sam 5:9

Mă-lei đơ̆ng rŏng kơ đe tung Hom Pơgơ̆p Kră Yang 'Bok Kei-Dei truh tơ pơlei Gat boih Kră Yang phak pơlei ei, ăn đei tơdrong truh kơ lu sư hli rŭng răng. Lăm kon pơlei noh, đơ̆ng hơ'lơ̆p truh tơ đe kră; đĭ lu sư tă kơ đei jĭ pơtôch ngăl.