I Sam 5:4 - Sơ̆p Hlabơar Nơ̆r 'Bok Kei-Dei

⁴ Pơgê đơ̆ng rŏng Asdôt iung đơ̆ng hrôih, 'bôh yang Dagôn 'bĭch kơmŭ brum tơ teh 'bơ̆t anăp Hom Pơgơ̆p Kră Yang, kơ̆l păng 'bar pah ti kơtĕch kơdih phara pha. Klơ̆m lê̆ 'bơ̆t 'măng hnam, oei pă akâu sư đĕch oei 'bơ̆t kơtă ei.

I Sam 5:4 ပူးပေါင်းရင်းမြစ်များ

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsai 40:20

Minh 'nu bơngai dơnuh wă pơyơ̆r tơmam soi. Sư rơih chă 'long mă ưh kơ bŭk, păng chă bơngai gơh traih hơgei. Traih pơm minh pôm rup kơjăp huay kơ păk tơkơ̆l.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Da 11:8

Sư iŏk pơđĭ lu rup yang anhăk ba tơ dêh char Êyiptơ, hăm iŏk pơđĭ lu rup man păng đĭ lu maih păng đĭ lu pơnhan chhĕr pơm păng hu păng maih hai; dang 'bar pêng sơnăm sư ưh kơ blah pơtao yă-nơ̆m.

Mi 1:7

Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.

I Sam 6:5

Pơm bĕ lu rup pơtôch păng lu rup kơne mă oei pơrăm phe 'ba, na lu iĕm pơyơ̆r ư-ang kơ Kră Yang 'Bok Kei-Dei đe Isơrael; Rŏ lăng sư huay pă ăn tơdrong truh phak lu iĕm, lu yang iĕm păng mir 'ba dêh char iĕm.