I Sam 5:10 - Sơ̆p Hlabơar Nơ̆r 'Bok Kei-Dei

¹⁰ Na, lu sư wơh đe tung ba Hom Pơgơ̆p Kră Yang 'Bok Kei-Dei tơ pơlei Ekrôn, wă Hom Pơgơ̆p noh truh tơ pơlei Ekrôn kon pơlei Ekrôn ôr krao: Đe tung ba Hom Pơgơ̆p Kră Yang 'Bok Kei-Dei đe Isơrael truh tơ bơ̆n wă pơlôch bơ̆n păng kon pơlei pơla lu bơ̆n!

I Sam 5:10 ပူးပေါင်းရင်းမြစ်များ

II Sam 7:9

Inh đei oei hơdai hăm ih, lăm rim anih ih năm pơrăm lê̆ lu ayăt kơ ih đơ̆ng anăp ih; Inh gô ăn kơ anăn ih đe ư-ang tih kư̆m thoi anăn bơngai yŏng mơng lăm teh đak.

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

I Ho 7:21

Kon drŏ-nglo Tahat noh: Sabat. Kon drŏ-nglo Sabat noh: Suthêla, Êser păng Êleat; bre âu bơngai teh đak Gat pơlôch, yua kơ lu sư jur tơtông sem dơrong.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Am 6:2

Năm bĕ tơ pơlei Kalneh păng lăng, yak năm bĕ đơ̆ng noh truh tơ pơlei tih Hamat, jur hloi tơ pơlei Gat lu bơngai Philistin. Lu pơlei noh 'lơ̆ng hloh kơ dêh âu hă? Hăm trŏ kơ dêh noh să hloh kơ dêh iĕm?

Jôsuê 13:3

Đơ̆ng đak Krong Sihôr gah hơlĕch kơ char Êyiptơ, truh tơ teh đak Ekrôn gah yă-nơ̆m, noh krao char bơngai Kanaan; đei pơđăm 'nu pơtao char Philistin pơgơ̆r tơ Gasa, Asdôt, Askalon, Gat păng Ekrôn păng pơtao kon pơlei Awim;

Jôsuê 15:11

Hơdral sư kiơ̆ rok tơter kông gah yă-nơ̆m kơ Ekrôn, rok dăr truh tơ gah Sikêrôn, 'moi rok Kông Baala, truh tơ Japnêl, tôch tơ đak dơsĭ.

Jôsuê 15:45

Ekrôn pơlei tih hăm lu pơlei tih iĕ lu sư.

Lu 1:18

Bơngai Juđa kư̆m blah iŏk pơlei Gasa hăm anih teh mă sư pơgơ̆r pơlei Askalon hăm anih teh mă sư pơgơ̆r păng pơlei Ekrôn hăm anih teh mă sư pơgơ̆r.

I Sam 17:52

Lu linh bơngai Isơrael păng bơngai Juđa iung jreo, tơkĕch, druh kon pơlei Philistin truh tơ trong mơ̆t pơlei Gat păng tơ 'măng jang pơlei Ekrôn. Lu bơngai Philistin jĭ rơka pơ̆k lôch 'bĕnh kơ trong đơ̆ng Saraim truh tơ pơlei Gat păng Êkrôn.

I Sam 5:11

Lu sư wơh krao akŭm lu yŏng pơgơ̆r đe Philistin, na khan: Athei tung ba Hom Pơgơ̆p Kră Yang 'Bok Kei-Dei đe Isơrael, wih ba sư tơ anih sư so lê̆ tơ âu kơnh hli kơ nhôn păng kon pơlei nhôn lôch. Yua kơ kon pơlei krưp; tơ noh Kră Yang kư̆m ăn tơdrong gleh phak tih dêh.

I Sam 5:9

Mă-lei đơ̆ng rŏng kơ đe tung Hom Pơgơ̆p Kră Yang 'Bok Kei-Dei truh tơ pơlei Gat boih Kră Yang phak pơlei ei, ăn đei tơdrong truh kơ lu sư hli rŭng răng. Lăm kon pơlei noh, đơ̆ng hơ'lơ̆p truh tơ đe kră; đĭ lu sư tă kơ đei jĭ pơtôch ngăl.

I Sam 6:1

Hom Pơgơ̆p Kră Yang oei tơ lăm char Philistin đei tơpơh khei.