I Sam 4:21 - Sơ̆p Hlabơar Nơ̆r 'Bok Kei-Dei

²¹ Sư anăn kơ kon hơ'lơ̆p sư noh Ikabôt,a wă khan: Tơdrong ư-ang Kră Yang 'Bok Kei-Dei đĭ weh jăk đơ̆ng bơngai Isơrael; Sư pơma noh wă khan gah Hom Pơgơ̆p Kră Yang 'Bok Kei-Dei đe blah iŏk, hăm tơnei păng klo sư lôch.

I Sam 4:21 ပူးပေါင်းရင်းမြစ်များ

Horiso 106:20

Lu sư tơplih Kră Yang Ư-Ang lu sư jing thoi rup rơmo sa 'nhĕt.

Horiso 26:8

Ơ Kră Yang, inh 'mêm kơ hnam Ih oei păng anih ư-ang mă Ih oei.

Horiso 78:61

Sư jao hom pơgơ̆p Sư đe păng jao tơdrong ư-ang Sư lăm ti lu bơngai ayăt.

Horiso 78:64

Lu 'bok soi sư pơ̆k lôch yua kơ đao hơlă, mă-lei lu drŏ-kăn adro pă đei hmoi.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

I Sam 14:3

Ahija, kon drŏ-nglo Ahitup, 'nhŏng Ikabôt, kon drŏ-nglo Phinêhas, kon Hêli, pơm 'bok soi kơ Kră Yang tơ Silô kon pơlei ưh kơ băt kơ Jônathan năm.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.

I Sam 3:12

Năr noh, Inh gô pơm 'blep dôm tơdrong thoi inh đei khan lê̆ adrol boih gah hnam dơnŏ Hêli: Đơ̆ng blŭng-a truh tơ tôch.

I Sam 4:11

Hom Pơgơ̆p Kră Yang 'Bok Kei-Dei đe blah iŏk, 'bar 'nu kon drŏ-nglo Hêli, Hopni păng Phinêhas, lôch.

I Sam 4:22

Sư pơma dơ̆ng: Tơpă, tơdrong ư-ang Kră Yang đe Isơrael đĭ weh boih đơ̆ng bơngai Isơrael yua kơ Hom Pơgơ̆p Kră Yang 'Bok Kei-Dei đe đĭ blah iŏk bơih.