I Sam 31:4 - Sơ̆p Hlabơar Nơ̆r 'Bok Kei-Dei

⁴ Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.

I Sam 31:4 ပူးပေါင်းရင်းမြစ်များ

II Sam 1:1

Đơ̆ng rŏng kơ Sôl lôch, Đawit blah lu bơngai Amalek jei sư đang boih, na sư brŏk oei lăm pơlei Siklak 'bar năr.

II Sam 1:14

Đawit ôr: “Yua kơ kiơ ih pơ̆n pơlôch bơngai mă đơ̆ng Kră Yang rơih.”

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Sam 21:12

Pơtao Đawit năm tơ'bơ̆p lu bơngai pơgơ̆r lăm pơlei Jabes tơ Gileat wă apinh iŏk kơting pơtao Sôl păng kơting Jônathan kon drŏ-nglo pơtao. Lu bơngai 'nâu iŏk tơtông boih akâu 'bar 'nu. 'Bă hăm kon sư dơ̆ng linh Philistin hơtol sư tơ anih Bêtsan đơ̆ng rŏng kơ lu sư pơlôch pơtao Sôl tơ kơpal Kông Gilbôa.

I Pot 16:18

Lăp Simri 'bôh đe wang tăp dăr kơ pơlei bơih na sư mơ̆t tơ lăm kơđông hnam pơtao mă kơjăp dêh, na sư soh hnam pơtao păng akâu sư lôch hloi lăm noh.

I Pot 16:27

Tơdrong jang nai mă Ômri pơm, păng tơdrong sư gơh pơgơ̆r, đe đei chih bơih lăm sơ̆p hla bơar hơ'mon lu pơtao đe Isơrael.

I Ho 10:4

Sôl athei bơngai mă chĕp tơmam tơblah sư khan: “Ih athei toh đao ih 'bet pơlôch inh, kơnh lu bơngai mă ưh kơ chu kăt tơdra akar 'noh truh pơm kơnê̆ kơ inh.” Mă-lei bơngai chĕp mă wei sư 'noh ưh kơ pơ̆n yua kơ sư hli dêh. Na Sôl iŏk đao sư glơ̆m kơdih sư.

Lu 14:3

Mĕ 'bă sư tơl: Liơ ưh kơ đei ôh hă minh 'nu adruh lăm kon pơlei pơla bơ̆n, lăm adrĕch adrung bơ̆n, na mă kon khan wă chă akăn đơ̆ng kon pơlei bơngai Philistin lu sư ưh kơ đei kăt tơdra akar ôh. Samsơn khan kơ 'bă sư: Apinh 'bă rôp ăn kơ inh bĕ adruh 'noh, yua kơ inh lăp hưch kơ sư boih.

Lu 9:54

Na sư krao bơngai chĕp khêl dao sư păng khan: Toh bĕ đao ih pơlôch inh, kơnh đe khan: Minh 'nu bơngai drŏ-kăn pơlôch sư! Thoi noh bơngai noh 'bet sư hloi na sư lôch.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,

I Sam 31:5

Kơplah noh bơngai chĕp tơmam Sôl tơblah 'bôh Sôl lôch kư̆m iŏk đao glơ̆m akâu sư kơdih mơ̆n kư̆m lôch hơdai hăm Sôl,