I Sam 31:2 - Sơ̆p Hlabơar Nơ̆r 'Bok Kei-Dei

² Kon pơlei bơngai Philistin druh kiơ̆ 'moi Sôl hăm kon drŏ-nglo sư, pơlôch Jônathan, Abinađap păng Malkirsua lu kon Sôl.

I Sam 31:2 ပူးပေါင်းရင်းမြစ်များ

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

II Pot 25:7

Lu sư pơlôch kon drŏ-nglo pơtao Sêđekia tơm măt; na kuek lê̆ măt Sêđekia, chô̆ lê̆ sư hăm glang pơm hăm kong, đơ̆ng noh ba sư tơ Babilôn.

I Ho 10:2

Kon pơlei Philistin, druh Sôl păng lu kon drŏ-nglo sư, pơlôch lu kon drŏ-nglo sư Jônathan, Abinađap păng Malkissua.

I Ho 8:33

Ner pơjing Kis; Kis 'bă kơ Sôl; Sôl 'bă kơ Jônathan, Malkisua, Abinađap păng Êsbaal.

I Ho 9:39

Ner pơjing Kis; Kis pơjing Sôl; Sôl pơjing Jônathan, Malkissua, Abinađap, păng Êsbaal.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

I Sam 13:16

Sôl păng Jônathan, kon drŏ-nglo sư, hăm lu linh kiơ̆ sư năm oei tơ Gibêah lăm tơring Bênjamin, mă-lei đe Philistin pơm kơđông oei tơ Mikmas.

I Sam 13:2

Na sư rơih iŏk pêng-rơbâu 'nu, đơ̆ng lăm bơngai Isơrael 'bar-rơbâu 'nu wă kơ oei hơdai sư tơ Mikmas păng tơ groi kông Bethel, oei pă minh-rơbâu 'nu noh oei hăm Jônathan tơ Gibêah lăm dêh Bênjamin. Kon pơlei mă oei oei dôm yơ noh, sư ăn brŏk, rim 'nu brŏk tơ bơsŭn lu sư kơdih.

I Sam 14:22

Kơplah 'noh đĭ-đăng bơngai Isơrael oei ôn lăm groi kông Êphraim, kơtơ̆ng khan bơngai Philistin thuơ kơdâu, kư̆m wang druh blah lu linh ayăt 'noh.

I Sam 14:49

Pơtao Sôl đei pêng 'nu kon drŏ-nglo Jônathan, Iswi păng Malkisua, sư kư̆m đei 'bar 'nu kon drŏ-kăn; 'lŏ anăn Mêrap, 'lơ̆p anăn Mikal;

I Sam 23:17

Jônathan khan kơ Đawit: Ih 'nĕ kơ hli; ti Sôl, 'bă inh, ưh kơ gơh hơtŭt 'bơm kơ ih ôh. Ih gô pơm pơtao lu bơngai Isơrael, gah inh gô pơm yŏng pơgơ̆r, mă 'bar đơ̆ng rŏng ih Sôl 'bă inh, kư̆m băt hơđăl dôm tơdrong noh.

I Sam 28:19

Kră Yang gô jao lu bơngai Isơrael păng ih lăm tơpang ti kon pơlei bơngai Philistin; năr dơning ih păng lu kon drŏ-nglo ih gô oei hăm inh. Kră Yang kư̆m gô jao lu linh bơngai Isơrael lăm tơpang ti kon pơlei bơngai Philistin.