I Sam 31:1 - Sơ̆p Hlabơar Nơ̆r 'Bok Kei-Dei

¹ Kon pơlei bơngai Philistin tơblah hăm lu bơngai Isơrael; bơngai Isơrael kơdâu thuơ ôn achăng pră lê̆ lu bơngai lôch tơ kông Gilbôa.

I Sam 31:1 ပူးပေါင်းရင်းမြစ်များ

II Sam 1:21

Ơ kông groi Gilbôa Rŏ kơ tŭk gom păng 'mi 'nĕ pă jruh tơ ih, rŏ kơ ưh pă đei chŭn mir, teh mơ̆r 'lơ̆ng tơ anih 'nâu dơ̆ng. Yua kơ tơ anih noh khêl đao tơblah lu bơngai nuih kơtang jing đĭ 'mê̆-'mach, Khêl đao Sôl ưh pă layơ wă sŭt pơiel hăm đak rơmă dơ̆ng.

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

II Sam 4:4

Jônathan, kon tơdăm Sôl đei minh 'nu kon drŏ-nglo hơwen 'bar pah jơ̆ng. Lăp gơ̆p roi tơbăt Jônathan hăm Sôl lôch tơ Jêsreel, kơplah noh sư đĭ pơđăm sơnăm boih, bơngai rong tơmŏm sư pôk anhăk sư kơdâu ôn; kơplah sư kơdâu hăt hot sư huŏng đơ̆ng ti na jing jo. Anăn sư Mêphibôset.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.

I Sam 28:1

Kơplah ei, kon pơlei bơngai Philistin akŭm pơpôi jơhngơ̆m pran wă năm tơblah hăm bơngai Isơrael. Akis khan kơ Đawit: Ih athei băt ih păng lu bơngai kiơ̆ ih gô lĕch hơdai hăm inh năm tơblah.

I Sam 28:15

Samuel jet Sôl: Yua kơ kiơ ih pơhrơ inh krao inh tŏk wă pơm kiơ? Sôl tơl: Inh đei tơdrong truh tih, yua kơ lu bơngai Philistin tơblah păng inh. Na Kră Yang 'Bok Kei-Dei achăng lê̆ inh, Sư ưh kơ tơl nơ̆r inh dơ̆ng yua 'bơ̆r lu bơngai khan lê̆ adrol, dah đơ̆ng apo. Thoi noh na inh khŏm krao ih tŏk, wă kơ ih roi tơ'bôh ăn kơ inh băt inh athei pơm kiơ.

I Sam 28:19

Kră Yang gô jao lu bơngai Isơrael păng ih lăm tơpang ti kon pơlei bơngai Philistin; năr dơning ih păng lu kon drŏ-nglo ih gô oei hăm inh. Kră Yang kư̆m gô jao lu linh bơngai Isơrael lăm tơpang ti kon pơlei bơngai Philistin.

I Sam 28:4

Thoi noh kon pơlei bơngai Philistin akŭm băl pơm kơđông tơ Sunem,a gah Sôl kư̆m krao akŭm đĭ-đăng lu bơngai Isơrael păng lu sư kư̆m pơm kơđông oei tơ Gilbôa.

I Sam 29:1

Kon pơlei bơngai Philistin akŭm đĭ-đăng lu linh tơ Aphek; gah kon pơlei bơngai Isơrael pơm kơđông 'bơ̆t jê̆ glung Jesreel.