I Sam 30:8 - Sơ̆p Hlabơar Nơ̆r 'Bok Kei-Dei

⁸ Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.

I Sam 30:8 ပူးပေါင်းရင်းမြစ်များ

Bl 14:16

Sư pơdrâu iŏk đĭ-đăng mŭk tơmam sư mă đơ̆ng lu đe blah iŏk păng kư̆m chông brŏk mon sư, Lot hăm dôm lu mŭk măk sư, lu drŏ-kăn păng lu kon pơlei kư̆m brŏk.

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Le 15:9

Linh ayăt khan: Bơ̆n druh, bơ̆n gô druh tam, Bơ̆n gô hiôk asong băl tơmam đơ̆ng bơ̆n blah iŏk; Inh toh đao gưm pơlôch lu sư.

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Lu 20:23

Lu bơngai Isơrael tŏk nhơ̆m hmoi 'bơ̆t anăp Kră Yang, truh tơ kơmăng hloi. Lu sư krao apinh Kră Yang: Lu nhôn wă tơblah dơ̆ng ưh hăm lu 'nhŏng oh nhôn bơngai Bênjamin? Kră Yang tơl: Lu iĕm năm blah lu sư bĕ.

Lu 20:28

Đei Phinêhas, kon drŏ-nglo Êlêasar sâu Arôn, bơ̆jang 'bơ̆t anăp hom pơgơ̆p noh. Lu sư krao apinh Kră Yang khan: Lu nhôn hăm wă năm tơblah hăm lu 'nhŏng oh nhôn Bênjamin dơ̆ng ưh; dah mă lu nhôn pơdơh 'mơ̆i? Kră Yang tơl: Năm bĕ, yua kơ lăm năr dơning Inh gô pơjao lu sư lăm tơpang ti iĕm,

Lu 8:4

Giđêôn hăm pêng-hrĕng 'nu bơngai kiơ̆ sư oei druh bơngai Miđian truh tơ đak Krong Jôrđăn păng tŏk tơ gah to kơ Krong Jôrđăn, lu sư mă gleh lap dêh ră.

I Sam 10:22

Na lu sư jet Kră Yang dơ̆ng: Hăm pă đei bu nai năm tơ âu dơ̆ng? Kră Yang tơl: To, sư ôn lăm anih lê̆ tơmam noh.

I Sam 14:37

Sôl krao apinh Kră Yang 'Bok Kei-Dei: Inh hăm gơh jur druh lu bơngai Philistin ưh? Ih hăm pơjao lu sư lăm ti bơngai Isơrael ưh? Mă-lei Kră Yang 'Bok Kei-Dei ưh kơ đei tơl lăm năr noh.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.

I Sam 30:18

Đawit dŏng pơklaih đĭ-đăng bơngai đêl bơngai Amalek blah rôp tơgar iŏk boih păng kư̆m dŏng pơklaih 'bar 'nu akăn sư hai.

I Sam 30:19

Ưh kơ đei hiong minh 'nu bơngai bu, 'lơ̆p dah 'lŏ drŏ-nglo dah drŏ-kăn, dah mă minh mŭk tơmam yă kiơ đêl kon pơlei Amalek tơgar iŏk, Đawit brŏk chĕp ba pơdrâu đĭ-đăng dôm tơmam noh,